Shillong, Jylliew 25: ka seng HANM mynta ka sngi ka leit ban ia kynduh ia u Chief Executive Member jong ka KHADC u bah Titosstarwell Chyne ban ia kren halor ka jingiada ia ka khyndew ka shyiap ki trai ri trai muluk ha ki khappud bad ka jylla Assam.
Ha ka dorkhas kaba la ai sha u CEM jong ka KHADC na ka liang jong ka HANM ka la pynsngew bad an shen ka Assam kala wan kyntur pud bad kane kamdei shuh ka jingjia kaba dangshen hynrei kaba la jia daki phew phew Shem bad slem slem bah kala kynnoh.
Ka HANM kala long ba haduh mynta ymdon mano mano ruh ban shim khia ia kane ka jingleh donbor jong ka sorkar Assam. Ha kaba iadei bad kane ka HANM kala ai jingmut ruh sha ka KHADC haba ia dei bad kane ka phang.
Ka HANM kala ong ba ka KHADC lyngba ka tnat Land and Revenue Department kadei ban shim khia ban phah jingthoh sha ka sorkar jylla Meghalaya baka dei ban pynbeit noh mardor iakane ka kam kajia pud kaba la sahteng lahslem bah.
Ha ka juh ka por la kyntu ruh ia ka District Council ba ka dei ban don ia ka Boundary Committee kaba kyrpang laka jong naka bynta ban weng ia ki jingeh jongki paradoh parasnam jongngi kiba sah ha khappud bad ka jylla Assam.
Ka seng kala kyntu ruh ia ka KHADC ba ka dei ban ban pyn register ei noh iaki jaka jongki trai ri trai muluk kiba sah ha khappud bad ka jylla Assam khnang bakan long kum ka jingiada iaka khyndew ka shyiap kaba hap hapoh ka jingpeit jingkhmih jongka KHADC.
Ka KHADC, lyngba ka Land and Revenue Department kadei ban buh iaki tnat treikam jongka haki jaka khappud badka jylla Assam, khnang ba ki paidbah nongshongshnong ka thain khappud kin shlur ban wan register ia ki jaka jong ki shaka KHADC.
Namar kane kan long kum shibynta ban pynithuh ba kitei ki jaka balah dep register kidei hok kiba hab hapoh ka jingpeit jingkhmih jongka KHADC. ka KHADC, kadei ban leit jurip hashen bad ban thung noh daki mawpud bathikna ha kito ki jaka kiba dei jongka Council.
Haba ia dei bad ka jingkwah ka jylla Assam ban tei ka dam um ha Wah Khri, da kaba tyrwa pisa ruh iaki trai shnong jong ki 33 tylli ki shnong kiba don ha khappud bad ka jylla Assam, kadei ka dak jongka jingma kaba kitei ki jaka ki lah ban shahknieh noh lada ka KHADC kam shim khia ban tuklar mardor halor kane ka jingjia.
Ka dei ruh ban ia kren bad ka sorkar jyllla baka dei ban kynthup lang haka Boundary Committee bala lamkhmat da u Chief Secretary ia u MDC bad MLA jongkatei ka thain bad ban kynthup lang ruh iaki Sengbhalang jongka Bri U Hynniewtrep, khnang bakan don ka jingtip lang kaba shai kumno katei ka Committee ka treikam naduh bala pynlong iaka.
Ka HANM ka sngewkhia bad ka kwah ban shimkhia kyrpang ha kaba iadei bad u pud u sam jong ka jylla bad khamtam eh kiba danghap ha u pud u sam ka KHADC, kumta ka seng ka wanrah iakine ki jingai jingmut kum shibynta ban iakit iabah lem iaki jingeh baki paidbah ha khappud ki iakynduh nakawei ka por sha kawei pat. La ong u Bah Lamphrang Kharbani President ka HANM.
