Ka KHADC kala dep pynlait pisa T.20 Lak ban pynbha ia ka Khasi Heritage Villages: Victor

Shillong, Risaw 28: U Executive Member jong ka KHADC u bah Victor Ranee ba dei peit ia ka tnad pynneh riti dustur haba jubab ia ka jingkylli jong u bah Lamphrang Blah nongialam ka liang pyrshah ha kaba ia dei bad ka Khasi Heritage Villages kaba don ha Mawphlang, u EM u la ong ba kam shym don kata ka jingrah noh ia ka pisa shawei.

Haba jubab ia ka jingkylli bynrap kaba la buh da u bah Blah, u EM u la iathuh ba ka KHADC kala khot tender ban maramot ia ki iing bala jop kiba don ha Khasi Heritage Village ha Mawphlang ha ka 7th/Iaiong/ 2019 bad ha kane ka jingkhot tender la ai sha u Bah B P Thangkhiew hynrei mynta la shismem tam khlem pat lah ban sdang ia ka jingtrei.

U EM u la iathuh ruh hapoh jong ka iing dorbar ba ka jingtrei ka shnong dor T.70 lak ban maramot ia kito ki iing jong ki hima kiba don ha katei ka jaka Khasi Heritage Village bad shuwa ban sdang ia ka jingtrei ka KHADC kala dep ban pynlait ia ka pisa T.20 lak tyngka sha u kontraktor.

Haba ia dei bad kane ka liang jong u CEM u bah Titosstarwell Chyne u la ong ba ka daw jong ka jingmut ban pynbha ia kito ki iing ha katei ka jaka ka long ban pynlong biang ia ka Monolith Festival, hynrei namar ka jingiakren bad ka Hima Mawphlang kam pat beit bha kumta kala sateng ka kam, na ka liang ka ophis kan sa khot ia kren biang bad ka Hima.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet