Ka KHADC kam shym leh bakla, dei ba khlem ai lut ka ophis PIO iaki kot bapan RTI ka HYC

Shillong, Rymphang 19: U Chief Executive member (CEM) jong ka KHADC u bah Titosstarwell Chyne u la ong ba kam shym don kano kano ka jingle bakla ha kaba la tang ia ki san tylli ki jaid, kumba la paw na ka jingpan RTI ka seng HYC, ka jingbakla ka long ba ka ophis Public Information Officer (PIO) kam shym la ai lut ia ki kot ki sla sha ka seng.

U CEM jong ka KHADC u bah Chyne haba kren ha ki lat pathai khubor mynta ka sngi u la ong ba, kala wan ka jingwan ia kynduh na ka liang jong ka seng HYC  ha kaba kila buh ia ka jingujor halor ka jingtang jaid ia ki san jaid bad ha kane ka jingiakynduh u la kular ia ki dkhot ka seng ban sa shim khia ia kane ka kam.

Namar ka dei ka kam kaba kyrkhieh na ka liang jong u kum u CEM u la bthah ia ki ophisar ba kin pynioh ia ki kot ki sla kiba ia dei bad kane ka kam hapoh shitaiew ban lap ia ki jingshisha, hynrei ka seng HYC kala da pynmih noh ha ki lat pathai khubor ha kaba kala wanrah ia ka jingkynthoh ia ki EC barim bad kum ia u phadar sngi bam kwai ha dwar ublei.

U CEM u la ong ba ki Executive Committee kiba la leit noh kim shym la leh bakkla ha kaba tang ia ki san tylli ki jaid, kila bud ia ki kyndon jong ka ain kaba ka KHADC ka don, ha ka juh ka por ym lah ban ong ba ka jingkam jong ka HYC katkum ka jinglap na ki RTI ki khlem bakla, Ka kynrum kynram halor ka RTI ba pan ka HYC ka long namar khlem ai lut ia ki kot na ophis u PIO.

Hba la wat bniah na ki phail, la shem ba ba ka jingtang jaid ki san jaid ka long katkum ka kyndon ain ha kaba u kpa dei u khasi bad ka kmie dei ki bym dei khasi, ka jingbakla hangne ruh ka lang ha ka por ba pyndap ia ka phom khlem pyndap ia ka kyrteng bad jaid u kpa wat la kala don ha ka aplikoshon.

Ka jingtang jaid ia ka Alisha Khardoh  u kpa dei u bah Phlestar Lyngdoh, ka kmie ka dei ka Nijara Rajbongshi, Mawlai Umjaiur,  ka jingtang jaid ia ka  Giyanca V Kharheli u kpa dei bah Helius Khorkongor bad ka kmie ka dei ka Suba Mery Biswa na Mawshabuit Nongrim.

Ka jingtang jaid ia ka Derise Davia Kharlongngap u kpa dei u bah Wallambor Mylliemngap bad ka kmie ka dei ka Neetu Longkumer na Cleve Colony, ka jingtang jaid ia u bah W. K. Marwein u kpa dei u bah N. Marwein bad ka ka kmie dei ka Uma Chetrri na Nongjri,  ka jingtang jaid ia ka Juliana Kharliiu u kpa dei u bah Liiu Pathaw bad ka kmie ka dei ka Marureth Ainp.

Halor kane ka jingdon ka jingia bakla na ka liang jong u CEM jong ka KHADC u kyntu ia ka seng HYC bad kum juh ia CEM barim ba kin ia pynbeit ia kane ban nym ia thew, namar na ka liang jong ka EC ha kato ka por shym la leh bakla.

Ha ka juh ka por ka HYC ruh ka kren kumba la lap na ka RTI, namar kim shym ioh lut ia ki kot na ophis jong u PIO bad ha ka juh ka ka don ka jingbakla ha kaba pyndap ia ki phom namar kam shym long kumba la thoh ha ki aplikoshon.

Ha ia dei bad kane ka jingbakla kaba la wanrah ia kane ka jingkynrum kynram na ka liang jong u CEM un khot ia ka jingialang jong ki PIO baroh ban peit ba kum kine kiei kiei kin nym jia shuh ha ki por ban dang wan.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet