Ka KHADC kan ai pisa ha ka PWD, mynta u snem yn trei ia ka surok Nongstoin-Wahkaji

Shillong, Nailur 15: Ka KSU South West Khasi Hills District ha ka sngi Palei jong kane ka taïew ka la ïoh ban leit ïa kynduh ïa u CEM ka KHADC ban pan jingshai halor ka jingpynslem ban pyntreikam ïa ka bhah 25 klur ba la mang na ka bynta ka surok Nongstoiñ-Wahkaji.

Kum ba ka long haduh mynta, ki paidbah kane ka thaiñ ki ïatyngkhuh jingeh shibun ha baroh ki liang na ka daw ka jingshah ïeh khunswet ha ka sorkar jylla bad kane ka jingkular na ka liang ka KHADC lehse ka long ka jingkyrmen ba ki da khmihlynti dik dik ba yn pyntrei kam noh kham kloi.

Ha kaba ïadei bad kane, u CEM u la ïathuh ba ka daw ka jingsahteng ka dei na ka jingpyntud ka sorkar ban ai jingbit ïa ka KHADC ban pyntrei hi ïa kane ka kam. Watla katta ruh, u la ong ba na ka bynta ka jingïohnong u paidbah, ka KHADC ka la rai ban sa aiti noh ïa kane ka bhah sha ka tnad sorkar jylla (PWD) ba dei peit ban pyntreikam.

Shuh shuh u la kular ruh ba yn sa leh ïa kane lyngba ka Special Assistance Scheme jong u snem 2017-2018 ynda la dep ban submit ïa ki UC bad mar syn ïoh ïa ka pisa yn sa phah noh kham kloi sha ka sorkar jylla bad ruh u la ai jingpyntikna ba yn pyndep noh ïa kane hapoh jong une u snem hi.

Ka Seng ka la kyntu ïa u CEM ban shim khia bad hadien ka jingïakren ka la rai ban ïai buddien halor kane khnang ba kan long ka jingmyntoi ïa ki paranongshong shnong ha katei ka thaiñ. Kane ka dei Ka kyrwoh khubor na u Samla Jiedskhem Nongsiej, General Secretary, KSU South West Khasi Hills District

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet