Ka KHADC kan pynbeit ia ka ST Act 1950- Appointment Act 1959,kren u bah Sumer ha UN

Shillong, Jymmang 03: Ka Dorbar ki khlieh nongsynsahr ka jylla Meghalaya,kaba kynthup Ka Federation of Khasi StaMorningstar Sumertes, Sirdarship, Ka Dorbar Ki Dolloi, bad Council of Nokma ka la ia kynduh dangshen ha Lumjingsuk, Shillong, ha katei ka jingiasyllok la don lang ki Syiem, Sirdar, Lyngdoh, Myntri, Sirdar na ki Hima bapher bapher ha ka jingpyniaid jong u Bah John F Kharshiing, Chairman, Ka Dorbar Ki Khlieh Nongsynshar ka Ri Hynniewtrep bad nongai ktien  ka Federation jong ki jylla khasi, kiba la ia kren halor ki katto katne ki mat kiba ka Dorbar Federation of Khasi States ka la iai buddien haduh kine ki sngi bad kita ki long; Ka jindkoh jong ka The Constitution (Schedule Tribes) Order 1950 ha ryngkat ki Amednment Act 1976 bad Amendment Act 1987 bad Part XI Meghalaya bad ka Rule 128 jong ka Assam and Meghalaya Autonomous Districts (Constitution of District Councils Rules, 1951)  kaba ai hok ia palat 50 jaid riewlum bad ia kiwei ki bym dei riewlum lada ki dei ki permanent resident kiba la shong la sah palat 12 snem hapoh ki “Schedule Tribe Area’ kaban sa ktah jur ia ki hok jong ki san phew saw (54) Hima/Elaka –kaba ia tyngkhuh ia ki dulir kyndon jong ka Instrument of Accession bad Annexed Agreeement 1948 jong ki Hima Federation of Khasi States.

Halor kitei ki jingpynshai na u Bah John F Kharshiing, kitei ki Ain 1950, 1976 bad 1987 ki Khlieh Nongsynshar ki ba bun ki khlieh nongsynshar ki la pynpaw ia ka jingkyndit ban iohi ba kitei ki Act naduh ki snem 1950, 1976, 1987,  ki plie lad ia ki jaid riewlum ki bym dei ki khasi Jaintia bad Garo da ki phew ngut kiba ioh bynta hapoh Ri Khasi lyngba ka Sixth Scheduled kat haduh ba ki lah ban bsuh ban shim bynta ha ka synshar khadar hapoh ki District Council bad jylla, ki la shim ia ka rai ban rah ha la ki Dorbar Hima/Elaka, ban pynshai ia ki paidbah halor katei ka nongrim jong ka Sixth Scheduled.

Ka Dorbar ka la iatai ruh ia ka jing pynsahteng ki bor KHADC haduh katne snem ban pynbeit ia ka jingdkoh jong ka The United Khasi-Jaintia Hills Autonomous (Appointment and Sccession of Chiefs and Headmen) Act 1959, kaba haduh kine ki sngi ka long kaba la ktah ia ka kyrdan jong ka jaidbynriew Khasi Jaintia namar lyngba katei ka Act 1959 jong ka District Council ka iing bishar ba ha khlieh duh (ka Supreme Court) ha u snem 1959 ka la ai ka rai ha kaba la batai ba ki Nongsynshar tynrai kiba shim SANAD hapoh katei ka Principal Act ki long ki tang ki shakri jong ka UKJHADC bad kane ka long kaba la ktah jur kaba pynjah burom ia ka dur jong ka jaidbynriew, hynrei haduh kine ki sngi ym shym don ba pynsngap. Ym don jingshai kaei ka kyrdan jong ki Dorbar Shnong, Raid ne Hima hapoh ka Constitution lane hapoh ka Sixth Scheduled haduh kine ki sngi.

Hapdeng ka jingiakren jingiasyllok na ka liang ki Syiem, Sirdar, Lyngdoh, Myntri, Sordar bad Rangbah Shnong ki la pynpaw ba kumba ka long mynta kim ioh jaka kren hapoh ki District Council, Assembly ne Parliament hapoh ka Ri India namar ki jingsynshar Dorbar Kur, Shnong, Raid bad Hima, ki long ki jingsynshar kiba ym pat ithuh ia ka synshar Dorbar kaba khlem Liang (PartyLess) bad ba kim pat paw dur hapoh ka Constitution Ri India haduh kine ki sngi.

Ki la pyntip ba ha kawei ka liang ha por long Election India ki hap ai ki NOC (No objection Certificate) ia ki seng sain pyrthei bad ki kyrtong kiba kwah ban pynlong jingialang hapoh u pud u sam jong ka Dorbar, ki hap iarap kylla ia ki bor Election Commission ha kaba ai jaka  thep vote, ki jaka sah na ka bynta ki nongtrei Election.

Ki la ong ba wat lada ki long kiba khlem liang ka long kaba bakla ban buh da ka Ain KHADC 1959 ka ba khang ia ki ban pynsngew ia ki jinganud jong ki halor ka jingsynshar ki Act ki Rule ba mih na ki bor District Council,  Sorkar jylla, ne Sorkar India ne ki kiba mih na ka jingsynshar na ka sain pyrthei (party based politics). Hynrei la pynsngew ba ha ka por election baroh baroh ki pyrta ki ong ba ki ieid jaidbynriew ban khroh ia ki Nongsynshar ki paidbah ban kyrshan ia ki Kyrtong jong ki, ha ka juh ka por ki pyntip ba kiba bun ki Party ki juh kular bad pynmih da ka jingthoh ba kin pyndep bad buddien ia ki hok jong ki Hima/Elaka hakhmat ka Ri India.

Ki pyntip ruh ba kiba bun ki khun ki hajar ki juh wan ia syllok bad ki Khlieh Nongsynshar ban kylli kano ka seng sain pyrthei kaba ki lah ban shaniah ban pyndep ia ki jingkular.  Kumta ki Khlieh Nongsynshar ki la rai ban thoh bad ia kynduh biang sa shisien ia ki bor District Council/Sorkar Jylla ban ia kren la ki sngewthuh ne em ba donkam ban pynbeit ia ka Ain The Constitution (Schedule Tribes) Order 1950 – 1976 – 1987 bad ka The United Khasi-Jaintia Hills Autonomous (Appointment and Sccession of Chiefs and Headmen) Act 1959.

Ha katei ka sngi ka Dorbar Federation of Khasi States, ka la phah ka jingai khublei ia u Bah Macmillian Byrsat, Lyngdoh ka Hima Nongstoin uba la poi sha ka thong ha kane ka election MLA ba la khmih lynti ba un bteng ki jingiakhun na ka bynta ka Ri bad ka jaidbynriew.

Ha katei ka Dorbar Federation of Khasi States la ioh ban  ai khublei ia u Bah Morning Star Sumer, uba dang shu wanphai na na ka jingiashim bynta ha ka jingiakren hapoh Dorbar jong ki riewlum hapoh United Nations ha Ri America, ha kaba u la pynsngew ba u la ioh ban kren halor ki kam Uranium, bad u la iai ban ba lada ngi wad ia ka tyllong jong ka jingeh ka jaidbynriew ngin shem ba ngin hap ban ieng tylli ban dawa ia ka kyndon kaba kyrpang hapoh ka Article 370 ha kaban ngin pynpaw ia ki hok jong ngi kumba la pruid dak ha ka Instrument of Accession bad Annexed Agreement 1948.

U Bah Sumer u la kyntu jur ia ki Nongsynshar bad khamtam ia u Bah John F Kharshiing, ban pyrkhat ba ka por ka la dei ban lum noh ia ka Dorbar Ri ha kaba ngin ioh ia pynpaw ia ki jingeh jong ka jaidbynriew. Na ka liang u Bah John F Kharshiing u la pynpaw ba ka Dorbar Ri la pynlong saw sien ban pynpaw ia ka dur sha ki bor Delhi bad kin sa ia shong pyrkhat biang halor kane ka phang hadien ka jingiasyllok bad ki hima baroh.

Ki la pynpaw ia ka jingbym hun namar ka rukom pynjari ia ki Ain hapoh Ri India ki long khlem da burom ia ki Riti Dustur hapoh ki Shnong, Raid ne Dorbar Hima ha kaba dei ban da ioh shwa ia ka jingmynjur jong u khun u hajar.

Kiba la iadon bad kiba la ia shim bynta ha katei ka jingiasylok ki long u Paiem P.M. Syiemlieh, Syiem Nongkhlaw, Vice President, Federation of Khasi States, Paiem K.M. Syiemlieh, Deputy Syiem Nongkhlaw, Bah H L Ryntathiang, Lyngdoh Hima Lyngiong, Paiem M Syiem, Syiem Khynnah Hima Sohra, Bah M Mawdkhap, Myntri Hima Sohra, Bah B Sohkhlet, Secy Elaka Mawsmai-Nongthymmai, Bah P Myrboh, Raid Mawshai, Hima Khyrim, Bah B Wanniang, Myntri Sarin, Hima Maharam,  Bah BV Rymmai, Hima Sohra, Bah K Khongwar, Sirdar Mawsmai-Nongthymmai, Elaka, Bah RL Sohliya, Myntri Hima Mawphlang, Bah E Kurbah, Acting Sirdar Hima Marbisu, bad kiwei.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet