Shillong, Naitung 01: Ka Khasi Hills Autonomous District Council (KHADC) kan thaw ia ka Committee kaba kyrpang ban ia peit bniah ha kaba ia dei bad kane ka jingkhang tih dewiong, kane ka committee kan kynthup ia ki khraw pyrkhat na kit and bapher bapher ban peit bniah ia kane ka kam khang tih dewiong.
U Bah PN Syiem u la ong ba ha kine ki snem kiba la leit noh ka KHADC ka dang wat bniah ha kaba ia dei bad kane ka kam dei haduh ba ka iing bishar ba don burom jong ka Meghalaya High Court ha kaba ia dei bad ka kam tih Mawshun haba ka ai ia karai kala pyndonkamia ka ktien Traditional mining bad haba ki la ioh kopi ia ka rai jong ka iing bishar jong ka iing bishar ba ha khlieduh jong ka Ri India halor ki khyndew jong ki riew shimet.
Ha ka juh ka por na ka liang jong ka Hima Nongstoin Land Owner and Coal Traders production Association kala leit ban ujor sha Supreme Court ha kaba kala pynlong manla ia ka District Council, halor kane ka District kan hap ban file da ka affidavit bad ka jingai ia ka affidavit kan long halor ka nongrim ba ka kynthep ha kane ka jaka ka dei jong ki riew shimet.
Halor kane ka phang na ka liang jong ka KHADC kan ia kynduh ia ki trai khyndew ha ka 5 tarik mynta u bnai ban ia kren halor kane ka kam. Na ka bynta ban pynneh ia ka mariang ka KHADC kala thaw ia katei ka committee kaba kyrpang ka long ba ia peit ruh kumno ban pynneh pynsah ia ka mariang wat la ka long ban tih da ka rukom tih tynrai.
