Shillong, Naitung 21: U nongialam ba nyngkong jong ka seng FKJGP u Bah Sounder Cajee u la trei shitom ban pynioh ia ka jingiarap lyngba u MP jong ka Shillong u Bah GG Swell bam kwai ha dwar u blei ban tei ia ka iing sah nam ia u khlawait jong ka jaid bynriew khasi u Syiem Tirot Sing ha ka shnong Nongkhlaw lyngba ka MP Skhim.
Ka jingsaindur jong u Bah Sounder ban shna ia kane ka “Khasi Patriotic Home” ha Nongkhlaw ka jaka ba u Syiem Tirot Sing u la wan shong wan sah ka long ban buh nam ha kane ka iing ia ki tiar ki tar jong u ne u syiem ba khraw jong ka Ri Khasi lada dang lah ban iohi.
Haba u SP News Agency ha ka sngi leh burom ia ka sngi iap ba 183 snem jong u ne u riew khraw jong ka jaidbynriew khasi haba la leit ban jngoh ia kane ka iing kaba la tei nam, la shem ba kane ka iing kam don ei ei kita ki jingbuh jingsad kiba dei ki jong u tei u Syiem ba khraw kaba don ha katei ka jaka long tang ka iing suda bad ha phyllaw ka dur mot jong u ne u syiem ba khraw.
Haba la kylli na kiba don ha katei ka iing ka sngi kynmaw burom ia ka sngi iap jong une u syiem ba khraw, hato kila don ne em ki tiar kiba ia dei bad u Syiem Tirot Sing kiba la buh kyrpang ha kane ka iing kaba la tei nam na ka bynta jong u nongialeh pyrshah ia ka jingbam bein jong ki phareng ka jubab ka long ba haken ka iing ym don ei ei don tang ka iing.
