Shillong, Nohprah 04: U shongknor jong ka Confederation of Meghalaya Social Organisation (CoMSO) u bah Robertjune Kharjahrin u la ong ba ka khubor kaba shai sha ki MP bad MLA jong ka jylla ba ki dei ban leit lang sha Delhi ban dawa ia ka Inner Line Pemit.
Ha ka jingkren ha ka jingiakhih shongkyllain mungor mynta ka sngi ha Madan Malki ha ka jingkren ka jing u la ban jur ba ki MLA kim dei ban ialehkai politic halor kane ka jingdawa ia ka ILP, wat ia kdew kti bad wat ia kynnoh hynrei ki dei ban ia tylli kawei ban dawa na ka sorkar pdeng ia kaei kaba ki paidbah ka jylla ki kwah ia ka ILP.
La ong ba wat la ka jylla ka don tang lai ngut ki MP hapoh ka iing dorbar Parliament lada kine ki MP ki kren ia kawei ka sur na ka bynta ka jingdawa ILP ka sorkar pdeng kan sngew bad ka jylla kan nym don kata ka jingsah khun swet.
Haba ia dei bad kane ka jingdawa ia ka ILP na ka liang jong ka CoMSO kan dang bteng ia ka jingiakhih hynrei kin nym pynlong ia ki jingiakhih kiba lah ban ktah pat ia ki paidbah namar ka jingdon kane ka khlam COVID-19.
Ka CoMSO ka ai khublei kyrpang ia baroh kito kiba ia don bynta ha ka jingiakhun pyrshah ia kane ka khlam COVID-19 naduh ki doctor, ki Nos, ki nongtrei ka tnad ka koit ka khiah kum juh ia baroh kiba don bynta ha kane ka jingikhun pyrshah ia ka khlam COVID. Ha kane ka jingialang ioh ruh ia ki jingkren na ki nongialam ka Sur u paidbah bad na ka seng HANM.
