Ka khynnah kynthei ba jah na Lapalang  lap na Mawpat khlad hapoh kali marwei

Shillong, K.Lyngkot 29: Mynta ka sngi ki briew na ka shnong Mawpat jong ka dong Law rumnong kila lap ia kawei kali bad hapoh kane ka kali la don kawei ka khynnah samla bad la shem ba kane ka khynnah kala khlad.

Haba ia dei bad kane ka jingjia la pyntip sha ki pulit bad na ka liang jong ki pulit ruh khlem da pynslem kila poi sha katei ka jaka ba don katei ka khynnah bad kum juh kiba ha iing ha snem ruh kila poi lang sha katei ka jaka.

U SP Citiy of bah Vivek Syiem haba kren ha u SP News Agency u la iathuh ba ia kane ka kali la lap mynta ka step ha ka por 7.30 baje mynstep, kane ka khynnah kaba dang 21 snem ka rta kala jah na la iing sah jong ka ha Lapalang mynnin jan miet.

La iathuh ba na ka jingshem kane ka khynnah kam dei ba shah leh dusmon, hynrei wat la katta na ka liang jong ki pulit ki dang leh ia ka post marten ban lap ia ka daw jong ka jingiap kane ka khynnah, ha ka juh ka por ki pulit kin dang tohkit ha kaba ia dei bad kane ka jingjia.

La iathuh ba kane ka khynnah ka don marwei hapoh kali bad ia ka kali la khang na shapoh jong ka kali, hapoh jong ka kali la lap ba don ka shula ba sliew dieng, na ka liang jong ki pulit ia mynta kim pat lah ban ong na kaei ka daw ba kane ka khynnah ka ioh ha katei ka jaka namar ka jingtohkit ka dang iaid.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet