Ka KJCLF ka kyntu ia ki dkhot jong ki jaidbynriew ka Jylla ban batskhem ia ka jingjaijai

Shillong, Naiwieng 27: Ka Khasi Jaintia Christian Leaders Forum ka kit lang ia ka jingsngewsih bakthang jong baroh ki long iing kiba mad ia ka jingduh jong ki ia la ki jong ki dkhot ha ki jingjia ba sngewsih ka ka shnong Mukhroh.

Katei ka jingjia la wanrah ruh ia ka jingdukha mynsiem jong ki jaidbynriew bad kynhun bapher bapher kiba la pynpaw ia la ki jong ki jingsngew ha ki rukom bad ki lad ba bunjait kylleng kylleng ki jaka ha kine ki khyndiat sngi ba la dep.

Da kaba iohi ba kane ka jingsngewsih bitar ka la pynmih ia ki jingiakhih kiba ktah ha ki bun rukom, ka KJCLF ka kyntu ia ki dkhot jong ki jaidbynriew bad kynhun bapher bapher ha ka Jylla jong ngi bad shabar ban batskhem ia ka jingjaijai bad ka jingtyngkan ha ki jingpyrshang ban ioh ia ka jingjop halor ki jingeh babun  kiba yn ym lah ban ioh da ki jingleh jubor.

Ka la don ka jingthut kaba khraw ha ki kam jingkamai kajih bad kiwei, khamtam ruh ka jinglynga kaba jur na ka bynta ki khynnah pule ha ki jingpule bad ki eksamin jong ki. Dei ban pynshitom ia kito ki riew-dakaid kiba pynsniew bad pynbudnam ia ka kyrteng bad burom jong ki kynhun kiba iakhih bad ialeh na ka bynta ka hok.

Ka KJCLF ka khot ruh ia ka Sorkar Jylla ban pyni ia ka jingtbit bad jingsngewlem jong ka haba ka buddien ban wanrah ia ki jubab bad ki jingpynbeit halor kine kiei kiei kloi katba lah, kane ka long katkum ka kyrwoh kaba la phah da u Rev Dr EH Kharkongor Secretary KJCLF.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet