Shillong, Naitung 11: u Bah HS Shylla candidate jong ka Khasi Hills Democratic Alliance (KHDA) u la ong ba ki sngew lyngoh ban iohi ba ka kong Grace Kharpuri mynta ka sngi kala thep nomination ban ia khun ia ka elekshon CEM na ka PDA namar mynnin ka dang ia don lang bad ki.
Haba kren ha ki nongthoh khubor ha dien ba la dep ban bishar bniah ia ki kot ki sla da u Secretary jong ka Legislative jong ka KHADC, u la ong ba ki don 16 ngut ha ka liang jong ki namar ka kong Grace kala mih noh khlem da pyntip, ia kane ka jingle jong ka kong Grace kam don jingpher ei ei.
Haba phai sha ki MDC jong ka Congress, u la ong ba ka long kaei kaei kaba sngewlyngoh ban iohi ba mynnin ka sngi kila aid a ka jingthoh ba kin ai ka jingkyrshan ia ka KHDA hynrei mynta ka sngi kila ai biang da ka jingthoh ba kila weng noh ia ka jingkyrshan.
Na ka liang jong ka KHDA kaba khlem da niew party naduh mynnin kim shym la khien lang ia ki MDC jong ka Congress. Namar ha ka iing dorbar kaba 29 ngut kila don 17 ngut hynrei da ka jingmih noh ka kong Grace mynta ki don 16 ngut la kam u bah Shylla. U la ong ba ki don ka jingkyrmen ban jop ha ka elekshon CEM ka ban long la shai ka sngi.
Ka jingialum lang jong ki para MDC ka long ba ki don ia ka thong ban pynkhyllem ia u Bah Pynshngianglang Syiem na ka kam CEM bad mynnin u la hiar shuki noh. Ha ka jingialang jong ka KHDA kila ia tyrwa mano ban ia khun ia ka elekshon CEM, bad kiba kwah ban ia khun ki dei ban tyrwa hi da lade haba yn don u la tyrwa bad ki la ia pdiang.
