Ka KSU Jaiñtia Hill District Unit ka pyrshah ia ka jingbuh Outpost ka Assam ha Pangam

Shillong, Kyllalyngkot 31: Na ka por sha ka por, Ka sorkar Assam ka iai pyni ia ki jingkam jubor jong ka  ia ki jaka ha Block 1 hapoh jong ka shnong Pangam Raliang bad kyntait ia ka status quo kaba ka la ia don bad ka jylla Meghalaya.

Ha ka 29/01/2018 ,  Ka iai pyni biang ia ki kam bym burom jong ka ia ka jylla Meghalaya da kaba  tih khlong ia ki jaka ha Khatkasla ban  shna Police Outpost. Kumba long naduh mynshwa  haduh mynta.

Ka KSU Jaiñtia Hill District Unit  ka ieng skhem halor ka nongrim ryngkat bad ki paidbah Khasi Pnar ,kiba don ha katei ka thain khappud, ban kyntait bad pyrshah ia ka jingbuh Outpost ka Assam.

“Ngi sngew lyngngoh ia ka jingkwah ia ka ai jingsngain jong ki pulit Assam ne pynroi pynpar ha Block 1 bad kiwei ki jaka khappud Meghalaya-Assam ryngkat bad ki jingpyntieng jinhpynsmiej ba har rukom  ia ki briew jong ngi naduh ka jingpynthut ia ka khaii pateng , ban iaid ryntih ki kam synshar shnong kat kum ka riti jong ngi” La ong u Samla Albinus Lamurong , Asst General Secretary KSU Jaintia Hill District Unit.

“Ngim lah ban klet ia ka jingtalasi kine ki juh ki Pulit Mukoiloom ia ki nongrep /nongleit jingleit sha shiliang ka Tihwieh ha ki snem ba la dep bad jingkhanglad ban kit shyiap ne kiwei ki mar khaii. Ka bym lah long ba kine ki briew kin lah ban ai jingsngain. Bad ngin ym pdiang ruh ia ki da lei lei ba kin don hapoh Block 1”. Ong ka kyrwoh na ka KSU Jaintia hills.

Kum ka seng KSU kam  lah ban klet ia ka jingjia jong ka jingphet shnong sha Sakhwei (Sahsniang) kaba ka sorkar Assam bad ki Pulit jong ka ki long tang ki Nongpeitkai bad  jin da ki shimkhia , kan ym wan kum kato ka jingjia.  Ka por bad ki kam jong ka  hi ki  batai ba Ka Assam hi kam don ka jingkitkhlieh ia ki briew jong ngi bad ym lah ban len ba ki briew Khasi Pnar ki kwah ban iasnoh bad ka Jaintia Hills.

Te halor kane , ka kSu pynpaw ia ka jingpyrshah ia ka Sorkar  Assam bad kyntu ia Sorkar Meghalaya ban shimkhia  halor kane ka jingjia la ban jur u  Samla Ohibait Dkhar , President KSU Jaiñtia Hill District Unit.

Ka seng ka sngew ban ai khublei ia ki pulit na Jowai PS bad Raliang PO kiba kloi ban tehlakam ia ki Pulit Assam ha kata ka sngi bad ka nang iai kyntu ia ki ba kin nang iai buddien ban iada ia kum kine ki kam shwa ba kin jia.Ka seng ka kyntu ia ki Kynrem ki lyndan ban ym kut tang  ha  pyrta shimkhia ia ka ishu Block 1 bad khroh ia ki Vote jong ki briew na kato ka thain tang ha ki por ilekshon bad kynjah slam hadien jong ka.

 

 

 

What Next?

Recent Articles

Leave a Reply

Submit Comment
*