Shillong, Nailur 03: Ka Khasi Students Union Barak Valley Circle m
ynta u snem sa Shisien ka la lah ban pyllong biang iaka Jingiakynduh lang jong ki Paid Khasi kiba shong ba sah hapoh Barak Valley , Assam ia kaba la tip kum ka 11th Annual Meet 2018. Kane ka jingkynduh jong ki paid Khasi jong baroh lai tylli ki District kiba hap hapoh ka thaon Barak Valley kita ka Cachar District, Hailakandi District, bad Karimganj District, ia ka jingialang la pynlong ha District Library ha Silchar.
Ha kane ka sngi ba pyllong ia kane ka jingialang la wan ban iadon bynta lang da ki nongialam ka KSU Central Body , ki Nongialam ka KSU Jaintia Hills District , U President ka BVKJWO u Ma Charles Rymbai, U Babu Moses Kharbithai Professor ka Assam University, U Vice Prsident ka All Dimasa Student Union, u Samla Daniel Khyriem President barim ka KSU bad kiwei kiwei ki riewpawkhmat.Ha kane ka sngi la ioh iaki jingshad tynrai na ki dkhot ka KSU kiba pule ha Silshar bad kiwei kiwei pat ki jingialeh kai bapher bapher.
Kiba wan sha kane ka jingialang u samla Daniel Khyriem haba ai jingkren haka jingialang u la ong ba ka Seng KSU kam juh iehnoh iaki paradoh parasnam kiba don shabar ka Bri U Hynniewtrep. Ka seng ka juh iai kdup naka por sha ka por iaki paradoh parasnam. Nakata ka daw ka seng ha ryngkat ka NESO bad ka ASSU ki la ialeh shitom ban pynioh rung kyrteng iaki Khasi baroh kiba shong basah hapoh ka jylla Assam ban ioh iaka NRC naka Sorkar Assam.
U la ong ruh ba ngi iohi shisha iaka jingtrei shitom jong ki paid Khasi kiba don hapoh Narak Valley ban ia tylli bad khamtam ia KSU Barak Valley Circle ka ba trei shitom ia bun ki mad, kumta ka seng kmie lei hapoh sor Shillong ka dei ban trei shitom bun shah.
U ong haba long nongialam ki tip ba bun ki jingpyntyrha ha ka jingtreikam bad bun ki jingpynthud wat la katta ruh wat tieng haba trei kum ki nong ialam, u ong ka KSU Ka don da ki lak ngut ki dkhot kumta lada ka wei ka tnad jong ka ka kheiñ ne shah pynthud hangne baroh kine ki lak ngut ki long kiba la kloi ban wan hiar shane u ong ka KSU ka long Ka ba la kloi ban aiti iaka snam bad wat iaka met ruh lada ha ka no ka no ka jingialeh jong ka lada donkam.
U Vice president ka All Dimahasa Student Union pat ula ong ba ma ki bad ka KSU ki long kum shipara hangne bad u ong ruh ngi sngewiajan bha bad ngin iatreilang hangne .U la iaroh ruh ia ka KSU bad iaki kam jong ka khamtam haka jinglah ka jongka ban jop ia shibun ki issue kiba ktah iaka Jaitbynriew Khasi.
” Ka KSU kadei ka Seng Samla Pule kaba Khlain tam hapoh ka Thain Shatei Lam Mihngi” la ong shuh shuh u vice president ka ADSU.Kiwei pat kiba ai jingkren ha katei ka sngi kilong u Samla Garland Shadap Manner Asst General Secretary ka KSU JHDU, U Samla Morning Suja President ka KSU Barak Valley bad kiwei kiwei pat ki riew rangbah.
Ha kane hi ka juh ka Sngi la ioh ruh iaka jingpyntian smai iaki Nongkitkam ba pura jong ka KSU Barak Valley Circle naka bynta la samoi treikam 2018-2021 Da u samla Manly Nongpluh Finance Secy ka KSU Central Body .Ki nongkitkam kiba shah pynshkem hakatei la sngi kilong,
President u Samla Morningstar Suja, Secretary Genaral u Samla Evan Suchen, Vice President katkum ki Distrk na ka bynta ka Karimganj, Hailkandi bad Cachar u Samla Walton Rymbai, u Samla Blessing Talang, u Samla. Roland Shadap, ki secretary ban iarap ha ki distrik ki long u Samla Khyrsan Lamin, u Samla Manar Shylla, u Samla Kroswel Amse, sukretari ba bat ia ka pla pisa u samla Jumem Khongmuit lem bad kiwei ki nongkit kam ha ki kyrdan bapher bapher.
