Ka KSU kan pynlong ia ka jingiakhih shong kyllain mungor ha Mawkyrwat la sngi baar

Shillong, Risaw 17: Ka KSU Mawkyrwat Circle kan pynlong ïa ka Sit in Demonstration ha ka 22.10.2019 ha Mawkyrwat marshiliang ka Mawkyrwat CHC naduh ka por 11 am kum ka dak ka jingïakhih pyrshah ïa ka jingshim sting bad leh suki ka Sorkar halor kine ki mat jingdawa

Ban wanrah ia u District Medical & Health Officer ba pura ha South West Khasi Hills District .Ka Seng ka la ju ïakynduh ruh na ka por sha ka por ïa u Director of Health Services ( MI) jong kane ka tnad uba la kubur ruh ba ka jingtlot treikam ka Health Department hapoh jong ka district dei na ka jingbymbiang ïa u DMHO bapura.

Kum ban shu pynkynmaw ka seng lyngba ka KSU South West Khasi Hills District ka la aipor shitaiew ban thung ia u District Medical & Health Officer ba pura haka District mynta la shisnem tam. Imat kane kam shym la poi shaei shaei namar ka jingbympatiaw ka sorkar bad dei na kane ka daw ngi sa shim da Kane ka sienjam mynta ka kynti

Ban pynsted iaka 100 bedded CHC ha Mawkyrwat . Ka Seng ka la ju pynsngew bad ïakynduh kyrpang ruh ïa ki bor sorkar ha kaba ïadei bad kane, kata, naduh u 2017 ïa i kong Roshan Warjri iba dei Health minister ha katei ka por haduh ïa u bah AL Hek ha une u snem ba mynta halor ka CHC ba shispah jingthiah kaba ym shym la lah ban pyndep la bun .

Kane ka jingïashong kyllaiñ myngngor yn pynlong ha lad CHC Mawkyrwat ka ban sdang naduh ka por 11 baje mynstep haduh 3 baje janmiet. Namarkata ka seng ka khot ka wer lem ïa ki Sengbhalang, ki Bor pynïaid shnong bad ki riew paidbah baroh hapoh ka district ban ïamih ryntih bad ïashim bynta lang ha kane ka jingïakhih ha ryngkat ki placards halor ki tei ki jingdawa haneng.

 

What Next?

Recent Articles

Leave a Reply

Submit Comment

*