Shillong, Risaw 26: Mynta ka sngi ka Khasi Student Union Jaintia Hills District Unit ka la ioh ban pynkha sa kawei ka tnad treikam jong ka haka shnong Ummulong, West Jaintia Hills District.
Iakane ka thad treikam ba thymmai la wan pynshkem da u Samla Ostarnic Marbaniang Organising Secretary ka KSU Sengkmie, katba iaka jingialang la pyniaid da u samla Leningrad Tariang Organising Secy ka KSU Jaintia Hills District Unit.
Ha kane ka sngi la iadonlang ruh ki nongialam ka KSU Jaintia Hills District Unit kata naduh u samla Ohibait Dkhar, Samla SS Niangti, Samla Shaniahskem Dkhar, Samla Banjop Raliang, Samla Phrangki Papang, Samla Chanbor War bad u Incharge ka KSU Jaintia Hills District Unit Samla Rueben Najiar.
U Samla Osternick Marbaniang haba ai jingkren haka jingialang, ula ong ba ka jingdon ki Mendie Ri ka buh ka jingma kaba khraw iaka Jaitbynriew, namar ki Mendie Ri ki im ki sahlang bad ngi hynrei ngim tip ia ka jingmut ba sniew jong ki bad ki lah ruh ban shetkylla hakano kano ka por,
“Ngi dei ban ieng mynta kum ki samla ban iada la ka kyndew ka shyiap namar ka dei ka nongkynti ba paka ka jong ngi bad ngim dei ban tieng haba wan pyntieng pynsmiej ki briew ba nabar ia ngi khamtam ki khar Bangladesh” la ong u samla Ostarnic.
“Ka KSU lada jia kat ba jia ruh hynrei kan iengskhem beit hala ka nongrim ban iada la ka Jaitbynriew bad kan nym ailad ia ki mynder ri ban knieh ia ka Ri jong ngi” ula pynkut.
Ki dkhot ba shah pyntiansmai jong ka Ummulong Unit ki long, Samla Niccky Challam President, Samla Jesper Pariat Vice President, Samla Mararki Rymbai General Secy, Samla Shining Shullai Asst General Secy, Samla Klemen Kharbina Sport Secy, Samla Samli Pyngrope Asst Sport Secy, Samla Dame Muksor Publicity Secy, Samla Kynsailad Kharbina Finance Secy, Fullmoon Pyngrope Environment Secy, Sainborlang Rymbai Education Secy, KL Rymbai Asst Education Secy bad kumba 30 ngut eiei ki dkhot.
