Ka KSU sngewlyngoh halor ka jingbeteng ban khot hajir ka sorkar ia ki riew paidbah

Shillong, Naitung 22: Ka khasi students’Union (KSU) ka pynpaw iaka jinglyngngoh bad bym lah ban sngewthuh ia kaei kaba ka Sorkar ka mut halor ka jingiai bteng ban khot hajir ia ki riew paidbah ,ki dkhot bad iaki nongialam sengbhalang halor ka jing jia ba dang khyndiat por ha kaba iadei bad ka ishu them metor kaba lah khluid bad klang bha ha Kito ki khyndiat sngi,ban dawa daka sur jong u paidbah ba dei ban pynkynriah noh ia Ki briew Kiba shong ba Sah ha them metor namar ki ju wanrah iaka jing bym shngaiñ satia Ïa Jan baroh Kiba iaid lyngba na katei ka jaka.

ka seng ka sngew kyndit ba ka sorkar ka khot hajir lyngba ka tnad pulit ban kynnoh ia ki nong shah khot hajir ba kidei ki nong pynshit bad aiding halor Ki jing jia Kiba lah dep ha ki khyndiat bnai Kiba lah leit noh.Ka Seng  Ka pynkynmaw iaka sorkar ba kane ka mat Kadei kaba lah sah Kut mynta da ki phew snem,ha kaba nakwei ka sorkar sha kawei pat ym shym la lah satia ban pynbeit ban pynhun iaka jing dawa jong uba bun ba lang,hynrei ka shu Sah Kut khlem lah satia ban pynbeit ban weng iakane ka jing eh.

Ka jing bteng ban khot hajir kam dei ka lynti ban tem iaka jingkhluid hynrei Kadei ka kynti ban nang aiding shuh shuh bad kan nang pynbitar arshah, namar dei Kito kiba Sah ha them metor kiba ju pyni bor ju sdang bad ktah kti pynma ,pyntieng iaki ba hap iaid lynti na kato ka jaka jan man la kapor.

Ka sorkar Kadei ban sngewthuh ba ka jingmih ki paidbah ha ka jing iakhih paidbah ban dawa pynkynriah ia ki briew ba shong ha them metor kam dei ka jingpynshit ne kynshoit mano mano hynrei baroh la iamih paidbah daka jingsngew khia halor ki jingjia Kiba ju jia man kapor ha them metor.

Hynrei haka jingshisha dei Kito ki briew Kiba wan nabar jylla Kiba wan aiding wan mushlia bad ban wan hukum Wat iaka sorkar jylla halor ka ishu them metor.Lah dei ban khot hajir ia ki namar ma ki Kiba aiding,hynrei ki trai RI trai muluk ki ieng ban dawa iakaba shong nia ym dei ka jing kwah thaw jingkulmar.

Ka  sorkar haka jaka ban ai jingbthah noh ia Kito Kiba Sah beaiñ ha them metor ban mih noh,hynrei ka seng KSU ka sngew kyndit ban tip ba shah khot hajir pynban ki para RI bad ka shah kynnoh ba pynshit.Kane ka jing leh imat kan sa pluh biang lada ka sorkar kam sngewthuh.

Ia Kiba Sah beaiñ kam don jingeh iaka sorkar ban hukum ban mih noh shisyndon namar ki Sah beaiñ.Lada ia u myntri rangbah barim jong ka jylla ka sorkar ka hukum ban pyllait ban Mih  noh naka iing kaba u Sah Kaei pat ka jingeh iaka sorkar ban hukum ia Kiba Sah beaiñ ha them metor ban mih noh nakatei ka jaka.

Ka seng kan nym shong kli kti kan iai buddien iakane ka mat ba ka sorkar Kadei ban pynurlong iakane ka ishu kaba ki paidbah ki angnud mynta lah da ki phew snem. Kyntang iawai ka seng ka phah ka kyrwoh sha ka sorkar ban sangeh ka khot hajir ia ki para RI, khot hajir noh ia Kiba Sah beaiñ ha them metor, namar ki jing jia ym ba ki jong ngi ki sdang hynrei dei maki Kiba Sah ha them metor kiba ju pyni bor bad ktah kti Kut Kiba iaid nangto Jan man laka por.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet