Shillong, iaiong 23: Ka seng kur Kharraswai Kynrang Lawbah Zone kan pynlong ia ka dorbar pyllun ha ka 28th Iaiong 2018 ia ka jingialang kur ba shisien shisnem hapoh jong ka shnong Kynrang ha ka por 10.30 baje mynstep.
Na ka liang jong u Bah Gibert G Kharaswai General Secretary jong ka kur Kharraswai Kynrang Lawbah Zone, u la iathuh ba ha kane ka jingialang jong ka kur kan don ruh ka jingai khusnam sha ki heprit bad ki samla pule ka kur kiba wan sha khmat ha ka jingpule jong ki naduh ka Klass I haduh kiba la pyndep ia ka Degree bad Master Degree.
Kumta la khot la wer ia baroh ki para kur ki para jait kiba dang hap hapoh u pud u sam ka Kur kharraswai Kynrang Lawbah Zone , naduh ki long kmie, ki khun samla,kynthei bad shynrang kiba shong ba sah, ha Hat Mawdon, Lawbah, Mawdon,Kynrang, Raweng, Mawpen, Dangar, Khliehriat, Pyndemsohsaw, Dewsawlia, Umpung bad kiba sah ha ki dong bapher bapher ha sor Shillong ba kin sngewbha ban ia shim ia kane kum ka jingpyntip ban ia poi khang sha katei kajingialang kur.
Na ka liang jong ka dorbar pyllun ka kyntu ruh iaki nongkit kam bapher bapher ba kin kynmaw ban pynkhreh ia la ki jong ki jong ki kaiphot. Na ka bynta kito kiba dei ban ioh ia ka khusnam ba kid ei ban poi ryntih sha ka dorbar kur. La kyntu ia baroh ba kin ia burom ruh ia ka por. La kyntu ruh ia ki kur ba lada ki don kam ki lah ban phone sha kine ki number 8257960682 bad 9436939544. Kane ka long katkum ka kyrwoh kaba la phah da u General Secretary u bah G Kharraswai.
