Ka kynhun Go-Northeast na Assam pynlong jingsam dawai ei ha shnong Kongthong

Shillong, Naitung 12: Ka kynhun “Go-Northeast” na ka jylla Assam  kala pynlong ia ka jingsam dawai ei hapoh ka shnong Kongthong, kawei na ki shnong ha Khasi Hills kaba la khring ia ki briew da ka “jingrwai Iawbei”.

U Reeturaj Yogi u wei na ki nongseng ia kane ka kynhun ha ka kyrwoh kaba la phah mynta ka sngi u la ong ba la wan ialam san ngut ki doctor na ka jylla Assam ban ai ia kane ka jingsumar ei na ka bynta ki paidbah kane ka shnong  hapoh ka jingialam jong u Dr Nitu Deka.

Ha kane ka jingai jingsumar  ki doktor kila shem ba bun na kiba wan shim dawai ki dei ki ioh ia ka jingpang kpoh ka daw ka dei na ka jingbym lehkhuid ia ka bam ka dih bad ka jingdait ki khniang ha ka shniehdoh. Na ka liang jong ka kynhun kala dap da ka jingkmen namar ki paidbah ka shnong kila pdiang da ka jingkylluid mynsiem.

Kum ka kynhun haba ki ia kren bad u Bah Rothel Khongsit  rangbah shnong u la iathuh ba kila ia pyrshang ban ioh ia ka jaka ai jingsumar, ka iing skul bad ka jaka sumar kaba jan eh ia ki ka dei ka shnong Khrang hynrei bun ymjuh don doktor. Ka surok sha kane ka shnong dang su dep shna ha u snem 2013 bad ka skul kaba don ha kane ka shnong haduh mynta ka dei tang haduh ka klas kaba phra.

What Next?

Recent Articles

Leave a Reply

Submit Comment
*