Ka long kaba sngewsih bala 49 tylli ki snem khlem pat lah ban pynbeit ia u pud u sam: Robert

Shillong, K. Lyngkot 21: Ka COMSO mynta ka sngi kala pynlong ia ka jingiakhih kaba jai jai ha Madan Malli daka pynlong ia ka jingthang mombati ban dawa na ka sorkar ba dei ban pyntrei kam ia ka ILP ha Meghalaya.

U shongknor jong ka COMSO u bah Robertjune Kharjahrin haba kren ha ki lat pathai khubor u la ong ba ha Kane ka jingia khih ki don ar tylli ki jingmut, kawei ka long ban pynpaw ia ka jingsngewnguh ia baroh ki nongialam kiba la iakhun ban pynioh ia ka jylla Meghalaya.

Kum ki samla ka long ban iakhun ban pynneh pynsah iala ka riti dustur, ka rukom bat ia ka khyndew ka shyiap hala ka jong ka jylla Kane ka long ka bynta kaba nyngkong.

Ka bynta kaba ar ka long ba ynda la ioh ia ka jylla la jong ki don kiei kiei kiba pynbitar bad kiba sngewsih, hooid kila don ki nongthaw ain ki sorkar kiba la wanrah ia ka Land Transfer Act, ka Reservation Policy, haba phai pat sha ki ain ban iada ia ka jylla na ka jingshah tyllep ha kiwei ki jaidbynriew ka ain iada ri kum ka ILP kam pat don.

Ka COMSO ka pynpaw ia ka jingsngew nguh ia ki 60 ngut ki MLA kiba la shim ia ka rai ban pyntrei kam ia ka ILP ha ka jylla, hynrei Kane ka jingiakhun kam pat kut.

Kaba kham sngewsih shuh ka long ba ha ka rta kaba 49 snem ruh u pud u sam um don ka jingshah thombor shah leh bor ki paradoh ha khappud na ka por sha ka por ka iai jia ki duhnoh ia ka shongsuk, ka roi ka par Kane ka dei ka jingshim sting ka Sorkar Meghalya, Assam bad kumjuh ka sorkar pdeng.

Kane ka dei ka sngi ba ki pynpaw ia ka jingsngewsih ba ka jylla ka dang gap ban mat ia ki jingeh haduh mynta dei na Kane ka daw ba la niew ia Kane ka sngi kum ka sngi jingsngewsih.

Halor ka jingiakhih ILP ngi kwah ban ia kynduh markhmat bad u myntri kam poh iing ka sorkar pdeng ban ia shai halor ka jingdawa ILP bad kin dang ap ia ka jubab haduh la shai ka sngi la un ia kynduh ne em.

What Next?

Recent Articles

Leave a Reply

Submit Comment

*