Shillong, Iaiong 08: U Chief Executive Member jong ka KHADC u Bah Titosstarwell Chyne mynta ka sngi u la khot ia ki nongkhaii dei lang jong kane ka nongbah Shillong ban ia mir jingmut ha kaba ia dei bad ka jingdon ki marbam hapoh kane ka nongbah Shillong.
Haba kren ha ki lat pathai khubor ha dien ka jingiakynduh bad ki nongkhaii die lang, la iathuh ba ha kane ka jingiakren mynta ka sngi na ka liang jong ki nongkhaii kila pynpaw ba ka marbam kala pahuh, hynrei ka jingeh ka long ba ki Magistrate ki ai slip ia kin nongkhaii kiba wan thied kim lah ban ai palat ia kaba la thoh ha ka slip.
Haba ia dei bad kane na ka liang jong ka KHADC kan ia kren bad ki bor ba halor ban kyntu ba dei ban pynduh ia kane ka jingai slip namar ka jingdon ki marbam kila pahuh bad ha ka juh ka por la dei ban ailat shuh ia ki dukan ha ki shnong ban plie ban pynlait na ka jingiaieng lain jong ki paidbah.
Haba ia dei bad ka jingkiew dor jong u khaw sha ki nongkyndong ka long ba ki nongkhaii na nongkyndong haba ki wan sha Shillong kila ap baroh shisngi bad ha dien ba la dep ban thep ia u khaw ki ioh sa tang khyndait borni kane kala pynlong ban kiew dor ki marbam namar hap ban pynmih ia ka bai kali.
La ong ba ka jingkren jong u symbut myntri rangbah ka jylla u Bah Prestone Tynsong ba ka bam kala pahuh ka dei ka jingshisha bad ki nongkhaii dielang mynta ka sngi ki la pynsngew ha khmat jong ka KHADC, hynrei ka jingeh dei ka jingbuh kyndon jong ki bor ba dei peit ia ka District Administration, na ka liang jong ka KHADC kan sa shim ia kane ban ia kren ban weng noh ia ka jingaislip.
La iathuh ba ha ka jingialang bad u mytnri rangbah ka jylla na ka liang jong ki MLA kila pan ia ka bha ban thied khaw bad na ka liang jong u ruh kum u CEM u la pan ia ka bhah na ka bynta ki MDC hynrei u myntri rangbah u la ong ba yn nym lah ban ai bha, ki MLA bad ki MDC ki hap ban thied na iew ia u khaw na ka skhim kaba la mang ia ki.
