Shillong, Nailar 23: Mynta ka sngi la pynlong ia ka jingpynrung ia u Lat jong ka jylla u Banrarilal Purohit kum u nongkyrshan ba ha khliehduh ia ka Meghalaya Bharat Scouts & Guides (MBSG) bad ia u Chief Secretary u Y.Tsering kum u president, ha ka jingiadon lang u Principal Secretary, Education, Shri D. P. Wahlang, Principal Secretary sha u Lat ka jylla u K. N. Kumar, Vice President, MBSG bad Commissioner bad Secretary, Home Police, u E. P. Kharbhih lem bad kiwei kiwei ki ophisar.
Ha ka jingkren jong u Lat ka jylla u Banwarilal Purohit kum u nongkyrshan ba ha khliehduh jong ka MBSG u la ong ba ka jingdon jong kane ka kynhun ka long ban hikai ia ki samla ban ai ka jingshakri ha ka imlang sahlang. Na ka liang jong u Lat ka jylla khot u wer ia ki khynnah pule ba kin rung sha kane ka kynhun ban pynkhlain ia ka jylla bad ia ka Ri hi baroh kawei.
Ha kane ka sngi u programme, State Training Commissioner Scouts, u Gary James u la ioh pdiang ia ka khusnam ‘Professional Scout Medallion’. U Gary James u dei u dkhot ba nyngkong jong ka 50th Basic Management Course na India ban ioh pdiang ia kane ka khusnam, u la ioh ia kane ka jinghikai kaba kyrpang na ka World Scout Bureau – Asia Pacific Region Support Centre kaba ia dei bad ka Scouting .
Ka khliehduh jong ka jinghikai ia ki Guides ka long W Tariang kaba dei peit ia ka jylla Meghalaya bnad kiwei kiwei ki nongialam jong kane ka kynhun ruh kila ia don lang ha kane ka sngi.