Ka MeECL haduh mynta ka sngi kam pat thung kam ia ki 233 ngut ki jugali

Shillong, Kyllalyngkot 10: Ka KHNAM ka la pynlong ia ka jingia kynduh lang jong ki nongtrei Jugali ki ba don kyrteng ha ka thup kaba lai ki ba dang ap khmih lynti ia ki shithi thung kam na ka MeECL ha ka 09-01-2018 ha Dorbar Hall Lumkshaid.

Ka MeECL ka la dep ban ai ia ki shithi thung kam sha ki 539 ngut na ki 772 ngut ki ba la pass ia ka exam na ka bynta ka post Jugali ba la pynlong da ka MeECL ha u snem 2012 bad ka la pynim ruh ia ka list ha duh ka 2 tarik u February 2018.

Haduh mynta ka sngi haduh 233 ngut ki dang iai ap ia ka shithi thung kam na ka MeECL.  Kane ka jingialang ka la pynpaw ia ka jingsngew diaw halor ka jingpynlem jong ka MeECL bad  lyngba kane ka jingialang la kyntu ia ka MeECL ban pyndep noh mardor ia ka jingsam ia ki shithi thung kam baroh shwa ba ka merit list kan iap noh, kaba lah ban wanrah ia ka jingsngewsih bad jingdiaw ha ki long iing kiba bun.

Ka KHNAM ka kyntu jur ia ka MeECL ban pynkloi ia kane ka kam ka ba la sahkut la bun snem, khnang ba kine ki ba la pass hok ia ka examin kin ioh ia ka hok jong ki, bad ngi kyrmen ba u CMD ka MeECL un tuklar halor kane.

What Next?

Recent Articles

Leave a Reply

Submit Comment

*