Ka MeECL ka dei ban kham pynbha ia ka jingtrei kam jong ong u Bah WMS Parait

Shillong, Jylliew 24: ka long ka sien kaba nyngkong ba ka MeECL kala pynlong ia ka jingialang paidbah ha Nongpoh ban wan rah ia ka jingiajan bad ki paidbah kiba pyndon kam ia ka light. Ia kane ka jingialang la pynlong ha NSCA Indoor Stadium da ka ophis jong ka Deputy Commissioner jong ka Ri Bhoi District bad ka ophis jong ka  Meghalaya State Electricity Regulatory Commission.

Ha kane ka jingialang la wan ban ia shim bynta da ki khynnah skul, ki rangbah shnong bad ki briew jong ka MeECL. Ka jingthmu jong kane ka jingialang la pynlong ban wanrah ia k jingiajan ha pdeng ka tnad pynmih bording bad ki paidbah ba pyndon kam ia ka light. Ha kane ka jingiakynduh la ia kren halor ki jingeh kaba ki paidbah kiba pyndon light ki ia kynduh.

Ha ka jingkren jong u Bah WMS Parait sharman jong ka Meghalaya State Electricity Regulatory Commission,  u la ong ba ka jingpyndon kam ia ka light mynta kam dei shuh ba pyndon kam tang kiba don ba em hynrei ka long ka jingdon kam ia baroh ki paidbah. U la ong ba ka tnad sam bording ka dei pynbiang ia ka light. U la ong ruh ba ka Ri Bhoi District mynta kala kiew ha baroh ki liang.

U Bah Parait u la ong ba don ka “Consumers Grievances Redressal Forum” ha kaba ki paidbah ba pyndon kam ia ka light ki lah ban ujor lada ka don kano kano ka jingleh kaba long palat, ki nongpyndon kam light ki don ia ka hok ban ioh ia ka jingiada. U la ong ba ka MeECL ka dei ban kham pynbha ia ka jingtrei kam jong ka. Ha ka juh ka por u la ong ba ki paidbah kin ia treilang bad ka MeECL.

Kiwei kiba la ia don lang ha kane ka sngi ki long ka kong D Phawa ADC kaba la pyniaid ia ka jingialang,ka kong L.Kharkongor kaba dei ka  Chairperson of Consumers Grievances Redressal Forum, u Bah  S.J Laloo, Ombudsman jong ka  Commission bad bun kiwei kiwei ki riew rangbah kila ia don lang ha kane ka sngi.

What Next?

Recent Articles

Leave a Reply

Submit Comment

*