Shillong, Naiwieng 13: u Bah H Lyngdoh Sangriang sordar jong ka shnong Mawthabah, u la ong ba ki paidbah jong ki saw tylli ki shnong ka Mawthabah, Nongbahjynrin, Nongtynger bad Domiasiat mynta la lai snem ki khlem ioh light wat la ka MeECL kala dep ban pynpoi ia ki ksainar Electrik sha katei ka thain.
La ong ba ha dien ba ka MeECL kala dep ban shna ia ka jingpynpoi ksainar light sha kitei ki shnong kala pynpoi ia ka bor ding eletrik hynrei ha kata ka por lai snem mynshuwa ki kor ki bor bad ki tranphormar kila bethai bad naduh kata ka por kala sah khlem leh ei ei haduh kine ki sngi.
Kum ki nongialam shnong kila leit ban ia kynduh ia u SDO ba dei peit ia ka light ha Mawkyrwat bad ia u RE jong ka MeECL kaba don ha Nongstoin bad ar sien kila leit ban ia kynduh ia ki heh jong ka MeECL ha Lum jingshai hynrei kine ki jingleit ia kynduh baroh kila sep ei.
Na ka liang jong kitei ki saw tylli ki shnong mynta ki dawa na ka MeECL ba dei ban leit ban weng noh ia baroh ki dieng post eleltrik kiba ka la leit ban thung sha kitei ki shnong namar ka long ka jingma pynban ia ki paidbah katei ka thain. La ong u Bah S Lyngdoh Sangriang sordar jong ka shnong Mawthabah.
