Ka MeECL kan buh sa saw tylli ki “Automatic Payment Terminal” ban siew bill light

Shillong, Naiwieng 01: Ka Meghalaya Energy Corporation Limited (MeECL) mynta kala pynkhreh ban buh biang sa saw tylli ki “Automatic Payment Terminal” ki jaka siew bill light ha kane ka nongbah Shillong bad kum juh ha Tura.

Katkum ki lad jingtip kiba la ioh na ka MeECL ki iathuh ba mynta kila pynkhreh ban buh saw tylli ki jaka siew bill light lyngba ki kor  “Automatic Payment Terminal” ha kane ka nongbah Shillong khnang ba ki paidbah kin nym ia beh ban ieng lain ha ophis jong ka Hydro.

Ia mynta kitei ki kor siew bai light la buh tang ar tylli ha phyllaw ka ophis jong ka Hydro bad la shem ba ka long kaba la iarap shibun ia ki paidbah, dei halor kane ba ka MeECL kala pynkhreh ban buh noh sa saw tylli, lai tylli kin long ha Shillong bad kawei kan long ha Tura.

Haba ia dei bad kine ki mashin siew bill light, la iathuh ba la phah pynbha ia ki ha kata ka rukom ba kin nym pdiang lada don kiba mut ban thep da ka pisa thok bad kum juh lada ka pisa kala jaboh palat. La iathuh ba ia kine ki mashin hap ban buh ha ki jaka kiba shngian ban lait na kano kano ka jingshah lute.

Ka jingpyrshah mynta ka long ba ki dang ia peit ia ka jaka, namar na ki lai tylli kiba ym buh ha Shillong ar tylli kin long ha ka ophis jong ka Hydro bad kawei kan long ha ki thain Nongthymmai bad kawei ha Tura.

 

What Next?

Recent Articles

Leave a Reply

Submit Comment

*