Ka “Meghalaya Farmers Parliament” kaba ar kan long ha  ha Tura: Commander

Shillong, Naiwieng 24: Ka seng ki nongrep jong ka jylla ka Hill Farmers Union (HFU) hapoh ka jingialam jong u bah Commander Shangpliang kum u President jong ka Central Body ka la nangkhlain na ka por sha ka por bad mynta ka la nangiar nangiar sha Garo Hills.

Ka HFU ha ka sngi thohdieng ka la pynlong ia ka jingialang ha Tura ha kaba la jied ia ki nongkitkam jong ka Hill Farmers Union (HFU) West Garo Hills District. Ki nongkitkam jong kane ka District ki long ka Silme D Marak kum ka President, u  Grikseng D Marak Vice president, U Lelynggread K Sangma kum u General Secretary, u Senclerk G Momin Assistant Secretary bad u Badith T Sangma kum u Finance Secretary lem bad u Shoshon kum U Publicity Secretary bad la jied ruh ia ki Executive member.

Ia kine ki nongkitkam la pynskhem da u bah Commander Shangpliang President ka sengkmie ha ryngkat ka jingiadon lang u General Secretary bah Alfondbirth Kharsyntiew. U bah Commander Shangpliang u la iathuh ba ka seng ha ryngkat ka jingiatreilang bad ka tnad ka rep ka riang jong ka sorkar jylla kan pynlong ia ka 2nd Meghalaya Farmers Parliament ha Tura ha ka 10 bad 11 tarik December mynta u snem bad ka jingpynkhreh ka la iaid shaphrang.

U la iathuh ruh ba ka seng mynta ka la lah ban pynrung dkot kumba 47 hajar ngut ha Khasi Hills bad lyngba ka jingpynrung dkhto sa ha Garo Hills ka seng ka la poi ka jingdon dkhot sha ka 50 haajar ngut tam. U la kyntu ia ki nongrep ha kylleng ki shnog ba kin jied noh ia ki nongkitkam jong ka HFU ban iakren ia ki jingeh kaba ki nongrep ki iakynduh ha ki shnong ki thaw, ka thain, Block, ka District bad ka jylla hi baroh kawei.

U bah Commander Shangpliang u la iathuh ba ha ka 4 tarik December ka seng kan pynlong ia ka jingialang kaba kyrpang ha Mawkhar Dorbar Hall ha ka por 10.30 baje mynstep bad la khot ia baroh ki nongrep ka jylla ba kin wan ban iashim bynta namar ka seng ka don ka jingthmu ban pynbna ia ka jingpynbna ba donkam ka ban long na ka bynta ka jingmyntoi ki nongrep ka jylla baroh kawei bad u la kyntu ia ki nongrep ba kin phone ha u number 8837287374 lada kim pat shai lane kwah jingtip halor ka seng HFU khnang ba kin jied noh ia ki nongkitkam ha man la ki shnong ha ka jylla.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet