Ka Meghalaya ka dei ka jylla kaba lai ban pyntrei kam ia ka DBT, la sdang ha WKH District

DC NongstoinShillong, Nailur 16: Ka jylla Meghalaya ka long ka jylla kaba lai hapoh jong ka Ri India ban pyntrei kam ia ka NSAP kaba hap hapoh jong ka Direct Benefit Transfer (DBT). Ka jylla kaba nyngkong kaba la leh ia kane ka dei ka jylla Gujarat bad ka jylla Assam. Katba ha ka jylla Meghalaya pat ka West Khasi Hills District ka la long kaba nyngkong ban pyntrei kam ia kane.

Ia kane ka Direct Benefit of Transfer (DBT) kaba dei iaki skhim jong ka sorkar pdeng ia kaba la tip kum ka  National Social Assistance Programme (NSAP). Ki ophisar na ka tnad pynroi nongkyndong jong ka sorkar pdeng kila ia don ha Nongstoin ban plie ia kane ka jingpyntrei kam ia kane ka DBT hapoh ka District.

Da ka jingpyntrei kam ia kane ka da kaba shu shon ia u button ki 4239 kiba ioh ia ka skhim bai bam tynmen ka Indira Gandhi National Old Age Pension Scheme, ka pisa kan rung beit ha ka account jong kito kiba dei hok ban ioh. Ki  560 kiba ioh ia ka  Indira Gandhi National Widow Pension Scheme bad 102 kiba ioh ia ka  Indira Gandhi National Disability Pension Scheme.

Da ka jingpyntrei kam ia kane ka DBT, kan nym don shuh kata ka jingiasiew da ka pisa, hynrei ia ka pisa jong kito kiba dei ban ioh yn siew beit sha ka bank account jong ki bad da kane kan iarap ban pynsted ha kaba siew ia ka pisa jong kito ki ba dei hok banioh. La kyntu ia baroh ba kin don ia ka Bank account.

Kumba ka long haduh mynta ki don haduh 14o tylli ki skhim ia kiba la wanrah hapoh jong ka DBT kaba la lah ban siew da kane ka rukom sha ki 1.82 klur haduh 35.7 klur ki nongioh jingmyntoi. Nalor kane ka West Khasi Hills District kan dang ialeh ban pynrung shuh kiwei kiwei ki skhim sha kane ka DBT. Kane ka long kumba la up load da ka ophis jong u DC West Khasi Hills District ha kaFB.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet