Ka Meghalaya ka dei kawei na ki 10 tylli ki jylla ha Ri India ba dang kiew ka jingpang COVID-19

New Delhi, Naitung 31: U Rajesh Bhushan, Union Health Secretary u la pyniaid ia ka jingialang ki heh Sorkar mynta ka sngi ban peit bniah ia ka jinglong jingman ka khlam COVID-19 ha 10 tylli ki Jylla – Kerala, Maharashtra, Karnataka, Tamil Nadu, Odisha, Assam, Mizoram, Meghalaya, Andhra Pradesh bad Manipur.

La peit ruh ia ki sienjam ba la shim ban peit, ban tehlakam bad bad ai jingsumar ia kito kiba don COVID-19 da ki bor ai jingsumar ha kine ki jylla. Kine ki jylla ki don ka jingkiew ki case COVID ba man ka sngi lane ki case positive.

U Dr Balram Bhargava, DG ICMR bad Secretary (DHR) ruh u la iadon lang ha kane ka jingialang. Ki Principal Secretary (Health), Mission Director (NHM), State Surveillance Officer jong baroh kine ki jylla ki la iashim bynta ha kane ka jingialang.

U Union Secretary ba dei peit ia ka tnat Health & Family Welfare u la ban jur halor ki sienjam ban tehlakam bad ai jingsumar ia ki case COVID ha kaba u la bhah san tylli kip hang pdeng kaba ki sorkar jylla kid ei ban bud ban iada ka jingsaphriang kane ka jingpang.

Baroh ki distrik kiba don palat 10% ki case positive ha kine ki taiew ba la dep ki donkam ban don ka jingpyrkhing ban iada na ka jingleit jingwan ki briew, ka jingialum ki briew bad ka jingiakhleh ki briew khnang ba kan ym don ka jingpur kane ka jingpang. U la ong ba kano kano ka jingkhein sting ha kane ka por kan ialam sha ka jingeh ha kine ki distrik.

Palat 80% ki case ba dang iaid ha kine ki jylla ki dei kiba dang shong marwei ha la iing. Ka long kaba donkam ban peit bniah ia kine ki case khnang ba yn ym don ka jingiakhleh ha ka shnong ka thaw bad ka jingpur ka jingpang.

Ia ki briew ba shong marwei ha la iing dei ban peit bniah khnang ban lah ban pynkit ia kito kiba donkam ban kit sha ki jaka sumar khlem kano kano ka jingeh. La dei ai jingtip lypa ia ki Jylla shaphang ki kyndon bad ki SoP halor ka rukom ai jingsumar ia kum kine ki nongpang ha ki hospital.

Ki Jylla ki dei ban peit bniah ruh ia kito ki distrik ba duna 10% ka jingdon ki case positive khnang ban iada ia kine ki distrik da kaba ban jur halor ka jingai tika. Ka tnat ka oit ka khiah jong ka Sorkar Pdeng ka ailad ia ki jylla ba kin saindur lypa ia ki por ai tika ha ka rukom kaba iaid beit iaid ryntih.

La pyntip biang ia ki Jylla ba kane ka jingpynbiang ia ki dawai tika da ka Sorkar Pdeng ka dei kaba duna tam bad ba ka Sorkar Pdeng kan sa pynpoi shuh shuh ia ki dawai tika sha ki Jylla katkum ka jingdonkam jong ki bad ka jingpyndonkam jong ki ia ki dawai tika ba la ai.

Ha kine ki 2 bnai ba la dep, ka Sorkar Pdeng ka la ai jingkyrshan ia ki Jylla da kaba pynbiang ia ki oxygen concentrator, ki tyndong oxygen bad ki PSA plant. Shuh shuh, ki Jylla ki pyndonkam ia la ki jingdon jingem ban sdang ia ki PSA plant ha ki hospital Sorkar.

La dep ai jingmut lypa ia ki Jylla halor kane ka kam ha kine ki ar bnai ba la dep. Ki kyndon hapoh ka Clinical Establishment Act ki ailad ia ki Jylla ba kin ai hukum ia ki hospital shimet. Ia kito ki Jylla kiba la ai kum kine ki hukum, la ai jingmut ba ki dei ban peit ia ka jingiaid shakhmat ka kam bad ban ai jingiarap shuh shuh ia ki hospital shimet.

U DG, ICMR u la ong ba kam dei ban don kano kano ka jingkhein sting namar ki don kumba 40,000 ki case ba man ka sngi ha kine ki taiew ba la dep. U la ong ba palat 46 tylli ki distrik ki dei kiba don palat 10% ki case positive katba 53 tylli ki distrik ki don ki case positive hapdeng 5% bad 10%. U la ong ruh ba ki Jylla ki dei ban pynkhlain shuh shuh ka jingleh ia ki test.

La ai jingmut ba ki Jylla ki dei ban leh ia ki sero-survey ban ioh jingtip shaphang ki lad jingiada ha ki distrik namar ka sero-prevalence survey jong ka Sorkar Pdeng ka long kaba bun bynta kaba la pyndep lyngba ka jingiatrei lang bad ka ICMR ban pynthikna ka jingryntih ka kam.

U la ai jingmut ia ki Jylla ba kin pynkhlain ia ka kam ai tika ia kito kiba la palat 60 snem ka rta bad kito kiba hapdeng 45 bad 60 snem ka rta namar la lap ba kiba bun kiba khlad ki dei na kine. U la ai jingmut ruh ia ki Jylla ba ki dei ban pyntreikam ia ki jingpyrkhing ha ki kam ka leit ka wan bad ia ki kam bad iadei bad ka jingialam ki briew.

La peit bniah ruh ia ki distrik ba don jingma ha kine ki jylla, ka jingai dawai tika, ka jingdon ki ventilator, ki PSA Plant, ki tyndong Oxygen bad ki Concentrator ha ryngkat kiwei kiwei ki jingshem.

La ai jingmut ia ki jylla ba kin pyndonkam ia ka INSACOG laboratory network ban peit ia kito kiba wan na kiwei kiwei ki ri Ban lap ia ka jingrung jong ki jait ba thymmai jong une u khniang jingpang ha India na kiwei kiwei ki ri, ban peit ia ki kam buddien ia ki case lyngba ki Sentinel Site (Ki RT-PCR lab lane ki hospital, ki jaka sumar ba peit ia ki case COVID) bad ka jingpeit ia kano kano ka jingbun syndet ki case.

La ai jingmut ia ki Jylla ba kin,  Buh ia ki lad tehlakam bad ki lad buddien ha ki jaka ba bun case.  Buh ia ki containment zone, katkum ka jingdon ki case bad ka contact tracing.

Pynlong ki jingialang ba man ka por ban peit bniah ia ka jingpyntreikam ia ka ECRP-II ha kaba don ka jingban jur halor ka jingpynkhlain ia ki lad ai jingsumar khamtam ha ki jaka nongkyndong bad ki case kiba iadei bad ki khynnah. Ban ai jingtip shaphang ka jingkhlad ki briew katkum ki kyndon ICMR.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet