ka Meghalaya ka don ia ki jaka pynher “Paragliding” ba biang tam ha pyrthei: Desmon

Shillong, Risaw 11: U bah Desmon Nongkhlaw President jong ka Meghalaya Aero and Adventure Sports Association (MAASA) la ong ba kin pynlong ia ka tamasa “Paragliding” ha kane ka jylla Meghalaya la kumno kumno ha u bnai Lber bad Rymphang jong u snem 2022.

Haba kren ha ki lat pathai khubor mynta ka sngi ha Shillong Press Club, la ong ba ka jylla Meghalaya ka don ia ki jaka ba kynsaintam ha sla pyrthei ban pynlong ia ka jingpynher Paragliding, ia mynta ki don lai tylli ki jaka kaba kila dep ban jurip, ka madam Rapleng kaba biang ban ai jinghikai, Nongjrong bad ka Mawlyndep.

U bah Desmon la ong ba ka jylla Meghalaya ka don ia ki jaka ba biang tam ha pyrthei ban pynlong ia kine ki jingpynher ia ki Paragliding, kum ka seng kaba la don mynta ia ki dkhot kiba la wan pass ia kum kine ki jingpynher kila kwah ban pynpaw ia kane ha ka jylla Meghalaya.

Kane ka Paragliding kan iarap shibun eh ban khring ia ki nongwan jngohkai pyrthei sha kane ka jylla Meghalaya, namar ki briew na kylleng ka pyrthei mynta kila pynpaw ia ka jingkloi jong ki ban ia shim bynta ha ka tamas kaba kin sa pynlong ha u snem 2022.

U President ka MAASA u la ong ba ha North East ki don ki jaka kum ha Arunachal Pradesh bad Assam bad ki jaka ba biang eh dei ha Meghalaya, ka seng ka kwah ban kyntiew ia kane ha ka jylla Meghalaya baroh kawei.

Kumba ka seng kan sa ia kren bad u mytnri rangbah jylla ban pan ia ka jingkyrshan jong ka sorkar namar kane kan iarap shibun ban kyntiew ia kikam jngoh kai pyrthei bad kumba ka paw ka sorkar ka angnud ban khring ia ki nongwan jngoh kai sha kane ka kylla bad ka Meghalaya ka don ia kata.

Ki samla kiba la ia don lang ha kane ka kam ki dei kiba la wan pass na ka jingshah  hikai ha Himachal Pradesh bad kum juh na Pune bad kine ki samla kiba la wan pass ia kane ban her Paragliding dei ba kila pynlut na la ka jong ka pla ban pynphriang ia kane ha Meghalaya.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet