Shillong, Kyllalyngkot 19: Ha ka jingialehkai ia kura kaba dang ia mynta ha nongbah Delhi ia kaba la pyniaid da ka India Kickboxing Federation Cup 2017-18 kaba long ha Talkatora Indoor Stadium New Delhi, kaba la sdang naduh ka 16 tarik bad kan kut la shai ka sngi, na ka liang jong ki nongiakura na kane ka jylla Meghalaya hapoh jong ka lama ka Meghalaya State Kickboxing Association (MSKA) kala jop san tylli ki takma ksiar, ar tylli ki ka takma rupa badsan tylli ki takma rynong.
Ki samla ia kura na kaneka jylla kiba la ioh takma ki long ka Pynnehbor Mylliemngap Class XI Student na Shillong College kaba dei na ka shnong Smit Mawmluh, kane ka samla kala lah ban bat ia kane ka kyrdan mynta la saw snem.
Kiwei pat kiba la ioh takma ha kane ka jingiakura ki long ka samla Ibadarishisha na Lumparing Class XI Student jong ka Laban Presbyterian Higher Secondary School, ka samla Anjalin Iakai student na Shangpung Presbyterian H/S School, u samla Elbring Umbah u dei na ka shnong Mawtari Raid Thaïang Mawhati u la ioh ia ka takma ksiar na ka bynta ka jylla.
U samla Khrawjutang Kharsyntiew na Mairang West Khasi Hills bad u samla Babit Kharsohnoh na Mawmluh kila ioh ia ka tama ksiar, u Vishal Rai na Bishnupur Kench , u Kamki Kyndiah ,u Heimonmi Suchiang,u Nangsan lang G Basaiawmoit bad u Marshal Mawlong. Kiba dang sah ban khun la shai ki long u Hame Shaniah Suiam, Monica Nongrum.
