Ka Meghalaya ka ioh 233 ki petrol pump thymmai, la lah ban apply noh mynta ka sngi: Mohan

Shillong, Naiwieng 25: U Deputy General Manager, u K Mohan, u ba dei peit ia ka jingsam ia ki petrol pump jong ka Indian Oil Corporation Limted, mynta ka sngi u la pynbna paidbah bad ka jylla Meghalaya kan sa ioh 233 tylli ki petrol pump thymmai bad kiba kwah ki lah ban apply noh naduh mynta ka sngi.

Haba kren ha ki nongthoh khubor la iathuh ban a ki 233 tylli, 199 tylli kin don ha ki surok bah National High Way bad 34 tylli sha ki shnong nongkyndong. La iathuh ba kila poi sha kane ka jingkhein ha din ba ki la dep ban pynlong ia ka jingjurip kaba la neh haduh hynriew bnai lynter.

La aithuh ba ha ka jingjurip la shem ba ka jylla Meghalaya ka don don kam 360 tylli ki petrol pump thymmai hynrei ha dien ba la bishar bniah la rai ban plie thymmai 233 tylli, la ong u Mohan.

U Deputy General Manager u la ong ba la don kiba kwah ban buh petrol pump ha kane ka jylla Meghalaya ki lah ban apply noh naduh mynta ka sngi da kaba leit sha ka website www.petrolpumpdealerchayan.in ban ioh ia ka jigntip kaba bniah.

La iathuh shuh shuh ba ka rukom ban jied ia ki petrol pum ha kane ka kynti kaba mynta kan long kaba khuid kaba suba bad ka rukom jied kan long da kaba pynkhalai nusip kat u ba don bok, yn leh ia kane  ba ka jingjied kan long kaba khuid ba suba.

U Mohan, u la kam ruh ba da ka jingplie shuh ia ki petrol pumpkan long ruh ka lad ai kam ia ki briew ha kane ka jylla, la ong ba kaba duna eh kawei kawei ka petrol pump kan ai kam hynriew ngut ki briew bad kane kala iarap ha ka ioh kam ioh jam.

Na lai tylli ki kompeni sam umphniang jong ka sorkar pdeng kiba don ha ka Ri, la phiah ia ki 233 tylli sha ki lai tylli ki kompeni, ka Indian Oil Corporation Ltd kan don 87 ki petrol pump thymmai, na kine 74 tylli kin don ha ki NH bad 13 tylli sha ki nongkyndong, Bharat Petroleum Corporation Ltd  kan don 113 ki petrol pump thymmai 96 ha ki NH bad 17 tylli sha ki nongkyndong, ka Hindustan Petroleum Corporation Ltd kan don 33 tylli ki petrol pump thymmai, 29 tylli ha ki NH bad 4 tylli ha ki nongkyndong.

Kiwei ki ophisar jong ka IOC kiba la ia don lang ha kane ka sngi ki long u  Ashim Paul Chowdhury, manager retail sale jong ka  IOC bad u Aloke Marandi Assistant manager retail sale ka IOC,ha kaba kine ruh kila kren sha ki lad pathai khubor. Ka jingkhot aplikoshon ban buh petrol pum ha Meghalaya kaba khatduh eh dei ha u snem 2014 bad mynta ha dien saw snem la khot biang.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet