Ka Meghalaya kan sa paw ha ki kam thain jain ha ka Ri India ong ka Irani

Shillong, Nailar 26: Ka Smriti Zubin Irani myntri jong ka sorkar pdeng ba dei peit ia ki kam thain jain ha ka Ri India mynta ka sngi kala leit ban jurip ia ka jingtei ia ka “National Institute of Fashion Technology” kaba la dep ban tei mynta ha Umsawli ha ka jingdon ryngkat u myntri rangbah ka jylla Meghalaya u Conrad K Sangma.

Ha kane ka jingleit jurip na ka liang jong ka myntri kala pynpaw ia ka jingkmen jong ka ban iohi bad ka jingtrei kala jan dep bad kala ong ba ka kwah ban plie noh ia kane ka jaka pule ha ka kam thain jain la kumno kumno ha u bnai Risaw mynta u snem.

Haba kren ha ki lad pathai khubor ha dien ba la wan jngoh ia katei ka jaka, kala pynpaw ba kane ka jaka ai jinghikai ka long ka jaka kaba itynnad tam na pdeng ki jaka ai jinghikai ha ka Ri India bad da ka jingdon ia kane ka jaka ka jylla Meghalaya kan sa paw ha ki kam thain jain ha ka Ri India.

Ha kane ka jingwan sha Shillong kala pynlong ruh ia ka jingiakynduh bad baroh ki District ophisar jong ka tnad Social Welfare jong ka sorkar jylla ban ia kren halor ki kam kiba ia dei bad ki long kmie bad ki khynnah na ka liang jong ka myntri kala pynpaw ia ka jingsnghun ia ka rukom trei kam jong ka sorkar jylla ha kane ka liang.

Na ka liang jong ka Myntri ka sorkar pdeng kala pynpaw ia ka jingsngewnguh ka jong ia u myntri rangbah ka jylla Meghalaya u Conrad K Sangma u ba la lah ban ia synranlang ia ka ha ka por bad leit ban jngoh ia ka jaka thain jain bad uba la ia don lang ha ka jingiakynduh ia ki ophisar ba dei peit ia ki long kmie bad ki khynnah.

 

 

What Next?

Recent Articles

Leave a Reply

Submit Comment

*