Shillong, Risaw 18: U Phadar John Madur Diocesan Administrator jong ka jylla niam Shillong Archdiocese mynta ka sngi u la pyntip paidbah ba ka met jong u Archbishop Rev Dominic jala kan poi ha ka sngi u Blei.
Ha ka kyrwoh kaba la pynlait mynta ka sngi na iing bishop la ong ba ka met jong u Archbisop kan poi ha kad liengsuin Guwahati haka por 2.45 baje noh phai sngi. Na kad liengsuin un rah ia ka met sha Archbishop Provincial House Guwahati.
Na iing bishop ha Guwahati, yn pynrung ha Parish Byrnihat, Parish Nongpoh, Parish Umsning bad Mawlai Parsih. Ia ka met un buh shimiet ha iing kmie jong u Arch Bishop ha Mawlai Phudmawri.
Naduh ka 21 tarik haduh ka sngi leit on tep jong ka 23 tarik ymbuh ha iing mane bah ha Laitumkhrah. Ki paidbah kiba kwah ban pyneit khaduh ia u Archbishop ki lah ban leit ban pyndon burom haduh ka 23 tarik shuwa ka por 1 shibaje.
Iaka jingleh niam ban leit on tep ia u Archbishop ia kai programme yn sa sdang pyntip paidbah shuwa katei ka sngi la ong u phadar John Madur Diocesan Administrator ha ka kyrwoh mynta ka sngi.
