Shillong, Naiwieng 15: Ka jingialang kaba shi sngi la pynlong da ka Meghalaya Human Right Commission (MHRC) ha Mawsynram mynta ka sngi ha poh jong ka Mawsynram Border Area College ban pynshai paidbah ia ka hok long briew man briew.
Haba kren ha kane ka jingialang u Chairman jong ka MHRC u Dr Justice Aftab Hussain Saikia kum u kongsan, u la ong ba ka jingpynlong ia kane ka jingpynshai paidbah ha kaba ia dei bad ka hok long briew man briew khamtam eh ia ki samla pule ia kaei kaba la buh hapoh ka riti synshar jong ka Ri India.
Ha ka jingkren jong u Chairman ka MHRC u la ban jur ba ki paidbah ki dei ban tip ia ka riti synsahr jong ka Ri. Ha kane ka sngi u la batai ruh ia ki hok kiba la pynkupbor hapoh ka Riti synshar jong ka Ri namar kine ki long kiba kongsan eh ban tip ia ka hok long briew man briew.
Ia ka jingbatai kyllum ha kaba ia dei bad ka hok long briew man briew la kren da u dkhot jong ka Commission u P.J.P Hanaman, kiwei kiba la kren ha kane ka jingialang ki long u bah B Diengan SDPO jong ka Punursla, ka kong P Nongrum ka AAP jong ka Sohra.
Ha kane ka jingialang kala ruh ka jingiakylli byrthew na ka liang jong ki nognhikai bad ki khynnah skul halor ka hok long briew man briew.
