Ka MLFOA kan thoh sha ki paidbah holor ka Indian Forest Act 1927

Shillong, Nailur 04: Yn thoh ka MLFO sha u paidbah halor ka Indian Forest Act 1927 ka Resolution Meghalaya Assembly halor ka Forest Conservation Act 1980 bad halor ka Instrument of Accession and Annexed Agreement 17 Aug 1948 ban ioh jingshai.

Yn thoh ka MLFO sha u paidbah halor ka Indian Forest Act 1927 ka Resolution Meghalaya Assembly halor ka Forest Conservation Act 1980 bad halor ka Instrument of Accession and Annexed Agreement 17 Aug 1948 ban ioh jingshai.

Ka jingialang jong ki tnad bapher bapher jong ka  Seng ki trai khyndew ki trai khlaw ka Seng Meghalaya Land and Forest Owners Association ( MLFOA) na kylleng ka Ri Khasi bad Jaintia ka la long  mynta ka sngi ka 3tarik Sept 2019, ha Mawlai Shillong, ha kaba la rai ban kyrshan ia ka dorkhast ba la phah da ka Seng MLFOA bad ka Federation of Khasi States sha ka Sorkar bad la ai ka jingshahniah ha ka jingialam ki nongkitkam.

Khamtam ha kaba iadei bad ka Draft Indian Forest Act 2019 bad ka jingsahkut ka Rai Meghalaya Assembly kaba 13 April 2000 ban kyntu ia ka Sorkar India lyngba u President Ri India ban pyllait ia ka jylla Meghalaya na ka Forest Conservation Act 1980 namar ba iapher ki rukom bat khyndew bad namar la don lupa ka UK & J (Management and Control of Forest) Act 1958.

Ha katei ka jingialang na ka liang u ai jingmut  MLFOA u Bah John F Kharshiing, u la pynpaw ba ka jingbym paw ki kyndon ka Annexed Agreement jong ka Instrument of Accession kaba 17 August 1948 hapoh ka Constititution Ri India ka long ka dawbah Jong ka jingia tyngkhuh ki Ain Ri India.

Shuh shuh u la ong ba hap ai khublei ia ki Nongsynshar Hima Khasi States kiba ha kato ka por wat hapdeng ka jingshah byrngem Kim shym pyndem ban iada ia ka hok ki paidbah ki khun ki hajar bad ki la lah ban bsuh ia ki kyndon kiba donkam bha hapoh kitei ki jingiateh bad ki jingkular. Ka shong ha ngin ban buddien hok.

Kumta u ong ba ka jing thaw ka KHADC ia ka Committee ban bishar bniah halor ka IOA & AA bad mynta ka Committee Forest ban bishar bniah halor ka Indian Forest Act 1927 ka ai jingkyrmen ia ki paidbah.

Katei ka jingialang ka la rai ban phah da ka shithi sha baroh ki tnad ban pynlong ki jingjiakren halor ka jingsahkut ki jingkular Sorkar khamtam halor ka resolution Assembly kaba 13 tarik April 2000 bad ka IOA & AA kaba batai shai ba ka Sorkar Kam don hok ban thaw ki Ain halor ki Khlaw lait noh tang ban ai jingmut Sha ka Federation of Khasi States.

La rai ruh ban kyntu ia ki bor KHADC ban leit ujor noh Sha iing bishar kaba ha Khlieh duh halor ka jingpynjari Ka Sorkar India bad Sorkar Jylla ia ki ba bun ki Ain  Khlaw hapoh RI Khasi pyrshah ia ka kyndon Article 244 (2) bad kaba long pyrshah ia ka nongrim IOA & AA.

La pyntip ba Ki nongialam ka Seng MLFOA ha ka jingiadon  Lang u President, Secretary, bad Adviser  ka Federation of Khasi States, kin sa ia shim bynta biang ha ka Committee Forest KHADC kaban sa long ha ka 6 tarik Sept 2019 ha kaba ki bor KHADC ki la khot Lang ia ki nongialam ka JHADC bad GHADC ban ia mir jingmut Lang halor kane ka phang.

Halor ka jingioh jingtip kaba kyrkieh  ba ka kam Forest bad halor ki dulir Instrument of Accession bad Annexed Agreement, ka lah ban mih  ka jingjiakren hapoh Assembly ha kane ka session kaba mynta naduh 6 haduh 13 Sept 2019, kumta ka Seng ka la kyntu jur ia baroh ki tnad bad ki dkhot trai khyndew ki trai khlaw ban shim khia ban ia kren ia ki MLA bad ki MDC ha la ki jaka la jong ba kin shim khia ban ia shim bynta ban ia kren halor kane ka jingsahkut kitei ki Kam kiba ktah jur ia ka hok jong ngi Kum ka jaidbynriew Khasi Jaintia bad Garo.

Halor katei ka jingpynsngew u Bah John F Kharshiing, lah rai ba Lada don shisha Kum katei ka jingjiakren halor ka Kam Forest bad IOA & AA ka Seng  MLFOA ka la kyntu Lang ia ki  Khlieh Nongsynshar ha ka Synjuk Federation of Khasi States  bad ka kyntu ia baroh ki dkhot ba kin ia mih lang sha katei ka Dorbar Thaw Ain ban iohsngew da la ki Jong ki shkor ia ka nongrim ka jing iatai halor katei ka hok u Khasi hapoh Assembly.

Shuh shuh la rai ba ka jingmih na ka Committee Forest KHADC kaban long ha ka 6 tarik Sept 2019 yn sa pyntip ia baroh. Ong u Bah R S Syiem Joint Secretary ka MLFOA ha ka kyrwoh kaba la phah.

What Next?

Recent Articles

Leave a Reply

Submit Comment

*