Shillong, Kyllalyngkot 18: u bah FR Kharkongor Chief Electoral Officer jong ka jylla Meghalaya u la pynshia ba ka “Model Code of Conduct” kan trei kam naduh mynta ka sngi bala pynbna ia ka elekshon da ka elekshon kommission jong ka Ri India.
Kane ka Model Code kan trei kam ka long ha ki lai bynta, kawei ka jingtah dur ha ki iing sorkar,ia kane ki District Election ophisar kin pynthikna ba dei ban weng hapoh ka 24 kynta naduh bala pynbna ia ka elekshon.
Ka jigntah bad wah dur ha ki jaka paidbah dei ban weng ne pynkhuid hapoh 48 kynta, bad ka jingwah ne tah dur haki jaka jong ki riew shimet dei ban weng ne pynkhuid hapoh ka 72 kynta naduh ba la pynbna ia ka elekshon.
Yn peitngor ba kan nym don ka jingpyndon kam bakla ia ki kali sorkar ha kaba ia dei bad ka elekshon kane ka long ia ki seng sain pyrthei, ki jingpynbna lada ka dei ban siew naka sorkar kata ruh ka dei kawei ka bynta.
Haba ia dei bad ki jingtei jong ka sorkar la pynshai ba kito kiba la dep ban sdang ki lah ban trei bad pyniaid sha khmat, hynrei yn nym lah ban sdang pat kano kano ka jingtrei kaba thymmai.
Ka kynhun ban peit ia ka jingpynlut pynsep ki kynhun ba kyrpang ban peit ia ka jingpynlut kintrei kam noh bad kin don ki jaka ba ki paidbah ki lah ban ujor lada don bad ka jingiakynduh bad ki lat pathai khubor na ka por sha ka por.
Haba ia dei bad ki bor pahara la ong ba kila wan poi sha ka jylla 119 kompeni hynrei ka elekshon kommission kala phah 120 kompeni,kiba la poi ha jylla bad kiba la pyndon kam mynta ki long 30 tylli ki kompeni bad kila dang wan ruh 10 kompeni, baroh kila don 40 tylli ki kompeni, kiba dang sah kin sa wan ynda la jan thep vote.
Haba ia dei bad ki npngpeit pyrman ki don ha ki lai bynta, kawei ka kynhun ka ban peit ia ka jinglong kyllum ha ka elekshon, kawei kaba dei peit kyrpang iaka ka jingpynlut, bad kawei ka tnad pulit, kumba ka long la dep ithuh kino ki konstitwensi ba jur ka pisa.
