Shillong, Risaw 22: Ka Meghalaya People Committee On Aadhaar kan pynlong ia ka jingialang paidbah ha ka 24 tarik Risaw 2017 ha Khasi National Dorbar Hall,Mawkhar ha ka por 11 Baje Mynstep.
Kumta ka khot sngewbha ia phi baroh ki paidbah ka Bri U Hynniewtrep ban ia don rynkat lang ha kane ka sngi.Ha kane ka sngi ngin ioh ban pynshai shaphang ka jingeh kaba ki paidbah ki ia kynduh ha kaba ia dei bad u Aadhaar Number.
Ha kane ka sngi ki nongialam jong ka MPCA kin pynshai paidbah ha kaba ia dei bad u Aadhar, kumno la pyntrei kam ia ka bad kaei ka jingiadei bad ka Riti Synshar, kiei ki jingeh kiba mih na u Aadhar, ka iing bishar ba ha khliehduh jong ka Ri India ka ai rai kumno katba ym pat lah ban ai ia ka rai kaba khatduh. La ong u Bah Auguster Jyrwa, Rev PBM Basawiamoit bad Rev K Nongpluh.
