Shillong Naitung 20: Ka Meghalaya Public Service Commission(MPSC)lada ka kwah ban pyni ba Kadei ka met kaba khuid kaba suba haka jing pyniaid ia ki exam kam bapher bapher Kadei ban don iaka lynti kaba shai kdar haba shit haba shai ban pynshisha ba ka long kaba khuid haka jing pynlong ia ki exam thungkam.
Kam mymtoi ban shu ia pynksan nia ban Pynshai ba ka long kaba khuid kaba Suba ka jingpyniaid ia ki jing pynrung kam ha ki tnad sorkar,hynrei ka dei ban don iaka lynti kaba shai kdar Kata long ban iaid kat kum ka juk thymmai kaba lah ban pynhun ia baroh ki Samla wad kam wad jam.
Ka lah dei ka por ban pyndait da ki video cameras hapoh kamra ba pynlong interview ban pynshisha ba ka long kaba khuid kaba suba khlem don Kano Kano ka jing dkoh ne ka jing bakla bad ha ka juh ka por khnang ba ki nong shah interview kin hun bad ki lah ban pan copy iakaei kaba ki jubab hapoh ka interview bad ruh ban iohi ruh aiu ki nongshim interview ki kylli jingkylli, hynrei lada Ym lah iakata haei pat ngin ong ba ka long khuid long suba?.
Hato ka lah dep mo ka MPSC ban pyndait ki video camera haki kamra interview kam ne ban pyniaid ia ki interview ha khmat ka video cameras. Lada ka lah lah ban leh iakata ban ai Shisha iaka jing hun iaki Samla wad kam ba ka long kaba khuid ba suba ha kata ka por ngin sa Ong ba ka MPSC ka dei ka met kaba lah ban Shaniah kaba khuid kaba shai kaba jied Shisha ia Kita ki Samla wad kam Kiba tbit na Kiba tbit tam.
Haduh mynta kam don Kano Kano ka lynti kaba long haba shit bashai hangno ngin ong ba Kadei kaba khuid kaba suba ka jing pynrung kam,hynrei pyntrei kam Shwa ia ki lynti kiba shai kdar lada kam don Kano kano ka jing dkoh haka rukom thung kam thung jam.
Ka Seng ïeng skhem halor ka nongrim ba ka jing pynlong ia ki exam ki interview Kadei ban long kaba khuid kaba suba khlem da leh shiliang khmat iano iano,la Kadei lyngba ka MPSC ne DSC ne kino kino ki tnad sorkar ruh kumjuh .Ym tang Kata ka seng myn haka 5tarik April 2018 ka lah dep ai jingmut ruh sha ka sorkar ba naka bynta ki grade iv dei ban pynduh noh iaki personal interview.
Na ka liang jong ka seng KSU kala ai jingmut sha ka sorkar ban jied ia Kiba dei hok ban ioh,dei ban pynshong nongrim naka written test halor ka jing lah jong u ne ka kyrtong ba iakhun ha kata exam,bad ngi lah dep pynsngew ruh sha ka sorkar ba ka dei ban leh interview ha khmat video camera ban shai ban khuid khlem Kano kano ka jing shah liang.
Ka seng ka sngew ruh ban ong ba lada kam don ka kynrum kynram ka jing bym iaid beit haka jingthung kam, balei pat ki Samla wad kam bunsien ki Hap ban leit tied jingkhang hapoh iing bishar ?.Ka por ka dawa ia ka sorkar ban shim khia ban wanrah ka jing Kylla kaba shai kdar khnang ba ki kam tah sia lieh kin nym jia shuh.
