Shillong, Nailar 03: Mynta ka sngi ki nongpyniaid ia ka ‘Maharaja Ranjit Singh Pynjab Technical University” kila wan sha Shillong ban pyntip paidbah ba kadon katei ka skul bah ha Punjab kaba la seng da ka sorkar Punjab.
U Dr. Manjeet Bansal Director haba kren ha ki lat pathai khubor mynta ka sngi ha Shillong Press Club, la ong ba kane ka dei ka skul bah kaba la seng da ka sorkar Punjab bad ha kane ka jaka pule ki donbun jaid ki jingpule katkum ka jingdon kam kane ka juk kaba mynta.
Kaba kham long kyrpang kane ka skul bah kala don ka jingiateh bad ki skul bah jong kiwei ki ri jong ka Pyrthei, kum ha USA, Australia, Canada bad kiwei ki Ri Europe, ba ki samla pule kin pule shipor ha katei ka jaka pule bad nangta lada ki kwah ban leit sha bar ri ruh ki lah lyngba kane ka skul bah.
Haba phai sha ki samla kane ka thain shatei lam mih ngi jong ka Ri India la ong, na ki 2000 ngut ki samla pule kiba don ha katei ka skul bah na kane ka thain shatei lam mih ngi jong ka Ri India kiba pule ki don palat 100 ngut, na ka bynta ki samla pule kane ka thain ka don ka jingmang bai bam ruh kaba kyrpang.
