Ka MSWDA ka la rai ban buddien ia ka National Education Policy ka sorkar pdeng

Shillong, Nailur, 11: Ka Meghalaya Schools Welfare Development Association (MSWDA) ka la rai ban buddien ia ka National Education Policy (NEP) bad ia ka Meghalaya State Education Policy (MSEP) bad kumjuh ruh kan iakren bad ka Sorkar Jylla halor ka jingeh jong ki Secondary Schools kiba la don bad khamtam ban buddien ia ka jingkren jong u Myntri Rangbah ka Jylla u Conrad K. Sangma ha ka jingrakhe sngi laitluid ka ri kaba dang shu dep shen ha u bnai baladep.

Ban iathir iatai halor kane bad ban pynshai ia ki jingthmu jong ka Seng, u President ka Seng u Bah HM Marbaniang u la ong ba ka seng kan pynlong ia ka jingialang paidbah ha ka 14 tarik mynta u bnai ha ka por 11:00 baje mynstep ha Khasi National Durbar Hall, Mawkhar, Shillong khnang ban pynshai shuh shuh ha shuwa ba ki skul kin rung kum ki dkhot ba pura jong ka Association.

Une u nongialam jong ka Seng u la ong shuh shuh, “ki katto katne ki jingthmu ba kongsan jong ka Seng ki long ban trei na ka bynta ka jingbha bad ka roi ka par jong ki skul bad ban kyntiew ia ka pule puthi naduh Pre-Primary haduh Secondary bad Higher Secondary na ka bynta ki skul kiba la ioh jingiarap na ka Sorkar bad ki bym pat ioh jingiarap, hynrei kiba la ioh jingbit na ka Education Department (Aided and Unaided permitted schools).”

U la ong ba ka Seng kan dawa ban pyn ryntih ia ka jingpyniaid skul khlem da pynhap bun kyrdan lane ia ki jingsiew ba iapher nuksa, kum ki Adhoc School bad ki 4th Teachers. Kumjuh ruh halor ka jingai jingtip jong ka skul lyngba ka UDISE la sngewdei ban don tang uwei u UDISE Code ha kawei ka skul kaba ha kajuh ka Campus bad pyniaid da kajuh ka Management.

Shuh shuh ka Seng kan peit ruh ia ki jingeh kiba ktah kyllum ia ki skul baroh kum ka jingpynbha na ka bynta ka jingpyntreikam ia ka Mid Day Meal (MDM) bad ia ki jingeh kiba ki nonghikai kiba iakynduh halor ki training kiba la phah da ki skul lyngba ka jingiarap pisa jong ka Sorkar. Ka Seng kan buddien ruh ia ka Improvement Exam kaba dang donkam ia ki in-service teachers.

Kumta halor kane, la kyrpad ia baroh ki Presidents, ki Secretaries bad lo Nongmihkhmat na ki skul kumjuh ruh ia kino kino ki Nonghikai kiba iakynduh jingeh halor ki jinghikai bad ia ki 4th Teachers ba kin sngewbha ban pyllait por khnang ban wan sha katei ka jingialang.

 

What Next?

Recent Articles

Leave a Reply

Submit Comment

*