Ka Namdong PHC ka dang neh ka PHC, kyndit ka KSU bala kam bad kala dei ka  CHC

Shillong, Naitung 01: Ka Khasi Students Union Namdong Unit kala pynpaw iaka jingsngewkyndit hadien ba la iohi iaka khubor kaba mih haka 29 tarik Jylliew 2020 halor ka Heading kaba ong, “Ba shim khia bad buddien u MLA, kyntiew kyrdan ïa ka Namdong PHC sha ka CHC” bad kaba ong ruh ba iaka Namdong PHC la dep pynkiew kyrdan naduh ka 10 tarik Kyllalyngkot 2020

Ka KSU Namdong Unit kala pynpaw iaka jingkyndit ban iohi iakatei ka Khubor namar katkum ka jingbuddien ka Seng la lap ba ka PHC Namdong haduh mynta ka sngi ym shym pat la lah pynbna ba la pynkiew kyrdan iaka shaka kyrdan CHC.

” Kumno la kam ba lah dep pynkiew kyrdan iaka PHC Namdong haba ka jingtreikam ka dang long kumjuh hi kumba mynshwa bad wat iaka Jingdon ki Nongtrei ruh la lap ba ym pat iahap kyrdan ban ong ba kadei ka CHC ” la ong u Samla Chanbor War President ka KSU Namdong Unit.

“Ka Seng ka ai jingiaroh iaka Mynsngat-Khanduli Development Committe bad kumjuh ruh ia u Local MLA halor ka jingshimkhia ka jong ki ban buddien iaka jingdawa kyntiew kyrdan iaka PHC Namdong sha ka CHC, hynrei kimdei ban kmen tohhoh iakane ka jingkam ba ladep pynkiew kyrdan  iakatei ka PHC, hynrei kidei ban peit bad bishar bniah shwa  iaka jinglong jingman bad iaka jingtrei kam katei ka PHC”.

Na ka liang jong ka KSU, “Namar kumba ka long mynta ki paidbah ka thain kimpat tip ba lahdep kyntiew kyrdan ialatei ka PHC, wat naka liang ka sorkar ruh kam pat pynbna offcially ba lah dep pynkiew kyrdan iakatei ka PHC, bad wat iaka Muhor ne Signboard kaba pyndonkam ha katei ka PHC ruh la pyndonkam daka Kyrteng ka Namdong PHC hi ymdei Namdong CHC” la pynpaw ka Seng.

“Ka jingdon ki nongtrei bad ka rukom ai jingsumar hakatei ka PHC ruh ka dang long kumjuh hi bad ympat iahap ruh ban kam ba lahdep pynkiew kyrdan shaka kyrdan ka CHC” la pynpaw u kyrwoh naka Seng.

“Hooid ymlah ban len ba ia u maw nongrim naka bynta ka jingthmu ban pynkiew kyrdan ia katei ka PHC lah dep ban plie naduh ka sorkar kaba rim kaba la ialam daka Seng Congress, hynrei ym shym pat pynbna pat ba lah pynkiew kyrdan iaka” la kam ki nongialam ka Seng KSU.

“Lada ka jingpynkiew kyrdan iaka PHC ka long kaba shisha kumba la kam , ngi pynpaw shisha ka jingkmen halor katei ka bynta, hynrei ngim hun pat ban shu kut tang haka jingthoh, hynrei ngi kwah ban iohi ba katei ka PHC kan treikam pura nadong shadong kum katei ka CHC kaba pura”

Lah ban pynkynmaw ba kane ka ne ka mat ban pynkiew kyrdan iaka PHC ka la sdang ban khluit dei hadien ba ka Seng KSU Namdong Unit ka la mih shakhmat ban dawa ban kyntiew kyrdan iakatei ka PHC hakaba myn haka 24 tarik u bnai Kylliew.

ka Seng ka dang shu dep jurip iakatei ka PHC bad ka la dawa ruh lyngba ki lad pathai khubor ban pynkiew kyrdan iakatei ka PHC shaka kyrdan CHC.Kane ka long katkum ka kyrwoh ba la pyllait da u Publicity Secy ka KSU Namdong Unit u Samla Barister Kyndait.

What Next?

Recent Articles

Leave a Reply

Submit Comment

*