Shillong, Naitung 13: U Director ka NEIGRIHMS hospital U Dr P Bhattacharya u la ong ba kim juh phah ia ki nongtrei jong ka sha iing khlem da peit bha ia ka koit ka khiah ka jong ki nongtrei.
Haba batai ia ka rukom phah pynsah ia ki nongtrei ha ki quarantine, la ong ba la pynsah ha ki quarantine tang ia kiba long high risk, katba ia ki low risk pat la phah ia ki sha iing kata ruh ha din bala peit bniah bad ki ai lang ruh da ka syrnot ba ki long kiba koit ba khiah.
Haba ia dei bad ka jingpyndon ai ia ki PPEs, kane ka long tang ia kiti kiba hap ban don ha ki kamra COVID-19, hynrei ia kiwei ymda don kam, ki bor ba dei peit ia ka hospital Kim dei kiba biej ban khlem bud ia ki kyndon bala buh da ka tnad ka koit ka khiah ka sorkar pdeng.
La iathuh ba naduh ba sdang haduh mynta kiba la test COVID-19 positive ha NEIGRIHMS ki long 13 ngut, kiba la Shem nyngkong ba ki dei positive dei na u Shipai BSF bad uwei ba wan na Tripura, na kine haba la leh ia ka contact tracing la test COVID-19 positive 11 ngut kiwei pat kiba shah sumar bad ki nongtrei.
Ha ka jingleh ia ka Tracing Contact la Shem ba kiba ia jan eh ki long 112 ngut bad kiba kham pajih ka jingiadei ki long 121 kiba la tip kum ki low risk. Na ki high risk la dep test 30 ngut bad na kine la test COVID-19 positive 6 ngut, 2 ngut kiba thiah pang 4 ngut dei kiba trei. Ia kiwei kin sa test biang hadien saw lane San sngi.
Mynta ka sngi kala don ka jingia kren hapdeng ka sorkar jylla bad u director ka NEIGRIHMS ba kan don ka jingiatreilang ban tehlakam ia ka jingsaphriang kane ka khlam COVID-19 bad ka NEIGRIHMS ka pyrshang ban pynheh shuh shuh ia ka test na ka 600 ka ba don mynta la ong u Director.
