Ka NEIGRIHMS kam shym buh dukan ban ai dawai ei ia ki nongpang ong u PRO

Shillong, Nailur 11:  U PRO jong ka NEIGRIHMS ha ka jingphah khubor jong u mynta ka sngi u la kren shai ba ka hospital kam shym buh dukan dawai ban ai ei ia ki nongpang kiba leit ban shah sumar ha katei ka hospital jong ka sorkar pdeng. Hynrei ka don ka jaka die dawai kaba la ai jingbit ba ka dei ban die ia ki dawai ha ka dor kaba bit.

Ia kane ka dukan dawai la pyniaid da ka Affordable Medicines and Reliable Implants for Treatment (AMRIT) katkum ka jingpyniaid jong ka tnad ka koit ka khiah jong ka sorkar pdeng bad ia kane la ai jingbit da ka sorkar pdeng da ka jingiatehkular bad ka HLL Lifecare Ltd. Ka sorkar pdeng kala bethah ia ka HLL ba kan buh ia ki jaka ai dawai ha baroh kawei ka Ri.

Kane ka jaka ai dawai jong ka AMRIT pharmacy ki dei ia ki dawai kiba ia dei bad ka jingpang bampong,cardio-vascular drugs bad cardiac implants bad ka dor jong ki dawai ka long ha ka dor kaba duna bad ia kane la pynbna ruh da ka sorkar pdeng ha ka 15 Naiweing 2015.

Nalor jong kitei ka hospital kan sap lie shen ia ka jaka die dawai ia kaba la tip kum ka  “Jan Aushadhi Medical Store”, bad ia ka Pradhan Mantri Bhartiya Janaushadhi Kendra (PMBJK) kine ki die ia ki dawai ha ka dor trai khlem jingiohnong. Ia kine ki jaka die dawai la khot da ka tender kat u ba thep kyrteng u ba duna ka dor u ioh.

What Next?

Recent Articles

Leave a Reply

Submit Comment
*