Shillong, Naiwieng 14: U Symbut Myntri Rangbah ka jylla u bah Prestone Tynsong u la ong ba ka National Highways and Infrastructure Development Corporation (NHIDCL) shen kan sa jurip noh ban pynkhreh ia ka jingshna noh ia ka surok na Mawphlang sha Ranikor lyngba ka Mawkyrwat.
Ka sorkar jylla kala ialeh ban shna ia kane ka surok na Lad Mawreng sha Ranikor la slem bha bad kane kala sah teng la bun bun snem namar ka jingthmu kaba nyngkong ban shna ia kane ka surok ka long na Lad Mawreng sha Weiloi Mawsynram Lad Balat sha Ranikor.
Hynrei na ki daw kiba ym lah ban tip ba ia kane ka surok la hap ban pynkylla noh ia ka jingpyniaid ia ka surok, na Lad Mawreng sha Weiloi bad phai sha Mawkyrwat ban poi pat sha Ranikor. Kane ka surok ka long kaba don kam namar kan pyniasoh ia ka Baghmara, Mawkyrwat bad ka nongbah Shillong.
U Symbut myntri rangbah la ong ba ka tand shna surok jong ka sorkar pdeng kala aiti sha ka NHIDCL ba kan pynkreh ia ka DPR bad na ka liang jong ka sorkar jylla ruh kala shim khia ban peit ba kane ka jingshna ia kane ka surok kan long kam kham kloi noh.
