Ka NITI Aayog kala phah peit bniah ia ki skhim kiba pyntrei ha ka thain shatei Lam Mihngi

New Delhi, Rymphang 4: Ka NITI Aayog ka la sdang 17 tylli ki kynhun bapher bapher ha 17 tylli ki kam ha kaba don bynta ki briew na ki kynhun ka imlang sahlang, ki Tnat Sorkar pdeng bad ki kam ba iadei bad ki kynhun ka United Nation kum ki dkhot jong kine ki 17 tylli ki kynhun.

Ka kam jong kine ki kynhun kadei ban trei ha 17 tylli ki kam bad ban saindur ia ki rukom treikam. Katkum ki jingbthah jong ka Tnat Kam Pla Tyngka, ka jingbteng ia ki skhim jong ki Tnat Sorkar Pdeng palat ia ka samoi jong ka 14th Finance Commission ka donkam ia ka jingpeit bniah.

La pyndep ia ka jingpeit bniah ia ka rukom pyntreikam ka North Eastern Council ia ki skhim. Ladep aiti ruh ia ka kam ban peit bniah ia ki skhim ba la pyntreikam da ka Tnat Development of North Eastern Region.

Ban ialeh pyrshah ia ka jinglong jingman ba mih na ka khlam COVID-19, ka Sorkar ka la pynbna ia ka AtmaNirbhar Bharat Abhiyan kaba thmu ban pynlong ia ka ri kaba lah ban kyrshan hi ialade bad ban peit bniah ia ka jinglah ban pynmih mar hi ha ka ri, ka jingdon ki iew lajong bad ki rukom pynpoi mar.

Kumta, la bthah ia ki Tnat Sorkar Pdeng ban saindur ia ki skhim bad ki prokram katkum ki jingpynbna. Katto katne ki sienjam ba kongsan kilong ka AatmaNirbhar Bharat RozgarYojana; ka jingpyniar ia ki skhim Emergency Credit Line Guarantee na ka bynta ki MSME.

Ki nongshim ram Mudra; ka jingmang tyngka shuh shuh na ka bynta ka Pradhan MantriAwaasYojana-Urban bad ka Pradhan MantriGaribKalyanYojana (PMGKY); ka jingpynsting ha ka jingsiew khajna income tax na ka bynta ki nongshna iing bad ki nongthied iing; ka lad bei tyngka ha ka National Investment and Infrastructure Fund (NIIF) bad kiwei kiwei.

La phah ban  peit bniah na ka por sha ka por ia ka jinglong jingman jong ka khlam COVID-19 bad la shim ia ki sienjam da ka Tnat Development of North Eastern Region. Ban ai jingtngen na ka jingeh ba ki briew jong ka thain shatei lammihngi ki iakynduh.

Ka Tnat Development of North Eastern Region/ North Eastern Council ki la pyllait pisa kaba kot T. 25.00 klur ban ialeh pyrshah ia ka khlam COVID-19 ha phra tylli ki jylla ka thain shatei lammihngi. La pyllait pisa ruh haduh T. 25.00 klur na ka bynta ki projek bapher bapher khnang ban iada ia ki lad kamai jakpoh jong ki nongbylla kiba nabar ki jylla ka thain.

Ha kaba iadei bad ka koit ka khiah, la sdang san tylli ki skhim kiba kot T.193.32 klur hapoh ka North East Special Infrastructure Development Scheme (NESIDS) ha ki jylla jong ka Arunachal Pradesh, Assam, Meghalaya, Mizoram bad Nagaland ban pynkhlain ia ki jingdon jingem ba iadei bad ka koit ka khiah ban iakhun pyrshah ia ka COVID-19.

Ka Tnat Development of North Eastern Region ka la iatreilang ruh bad kiwei kiwei ki tnat Sorkar pdeng ban pynbeit ia ki jingeh ba iadei bad ka jingpynbiang ia ki dawai, ki tiar sumar bad ka jingpynbiang ia ki jingdonkam na ka bynta ka jingleh ia ki test.

Ia kane la pynbna da u Myntri Khynnah jong ka Sorkar Pdeng ba dei peit ia ka Tnat Development of North Eastern Region (DoNER), MoS PMO, Personnel, Public Grievances, Pensions, Atomic Energy and Space, u Dr. Jitendra Singh ha ka jingthoh ba u la ai ha ka iing dorbar thawain Rajya Sabha mynta ka sngi.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet