Ka North East India kala sdang kiew ha dien ba la sdang ia ka ‘StartUp’: Dr Jitendra

Dr Jitendra SinghNew Delhi, Risaw 16: U myntri khynnah ka sorkar pdeng  ba dei peit ia tnad North Eastern Region (DoNER), u Dr Jitendra Singh u la ong ba ka thain shatei lammihngi mynta ka dang kiew ha dien bad ka sorkar pdeng kala pyntrei kam ia ka  ‘StartUp’ programme na ka bynta ki samla na kylleng ka ri.

Ha ka jingkren jong u ha ka National Convention halor ka phang ‘Transforming Northeast India’ ba la long hynnin ka sngi, u Dr Jitendra Singh u la ong ba ka jingkiew ha ka liang ki surok ki lynti syngkien ha kine ki ar snem ba lah dep, ryngkat bad ka jingtrei shitom ki bor sorkar ka la pynlong ia ki samla ba kin tur sha kane ka thain ban sdang ia ki kam lajong.

U la ong ba don ki jaka ha kane ka thain kum ka Arunachal Pradesh ha kaba kumba 40% ki soh ki shu sepei namar ym don jaka buh ia ki bad ruh ym don rukom pynkit ia ki sha ki iew bapher bapher. U la ong ba ia kine ki soh lah ban pyndonkam ha kaba shna ia ki umsoh ha ka dor kaba duna.

Haba iakren bad ki samla, u Dr Jitendra Singh u la ong ba ha ki por ba ka kiew bha ka kam jngoh kai pyrthei, lah ban iohi ba don ka jingduna ha ki jaka sah ha kane ka thain ha kaba ki jaka sah kum ki hotel ki pynkiew dor bun shah. Haba phai sha kane, u Dr. Singh u la ong ba ha ka jingkiew jong ka ‘home tourism’ ha kine ki ar ne lai snem ba lah dep, bun ki samla mynta kiba la kiew spah da kaba tur sha ka ‘home tourism’.

U Dr Jitendra Singh u la kren ruh shaphang ki kad liengsuin (airport) ba thymmai ban wan ha Pakyong ha Sikkim, Itanagar ha Arunachal Pradesh bad Shillong ha Meghalaya bad u la ong ba kine, ryngkat bad ka jingwanrah ia ka lynti rel kan iarap shibun ha ka kam khaii.

U Dr. Singh u la ong ruh ba ka medical bad health sector ruh ka la kiew bha bad ka la plie lad ia ki samla ban kamai na kane. U la ong ba ha ki por ba mynshuwa, ki nongpang ki hap ban leit shabar ka thain ban ioh ka jingsumar ba paka, khamtam ha Kolkata ne Vellore. Halor kane u la ong ba ka jingpynshlur ia ki briew shimet ba kin plie ia ki hospital ka la iarap ia bun ki samla kiba la sdang ia kine ki jait kam. U la ong ruh ba ka DoNER ka la pynshlur ia ki riew shimet ba kin iatrei lang bad ki kompani bapher bapher ha kane ka phang.

U Dr. Singh u la ong ruh ba ki longkmie jong kane ka thain ki long kiba don ka bor bad kiba don ruh ka lad ban trei ia la ka kam. U la ong ba ka seinjam jong ka sorkar ban ai jingiarap ia ki Self Help Group ba kin kyntiew ia ki kam shimet ka la iarap bha ia kito kiba trei ha ki kam suh bad thain jain na la iing. Ban kham pynkhlain ia kane, u Dr. Singh u la ong ba ka Union Textile Ministry ka la sdang ia ki scheme bapher bapher ia ki briew na kane ka thain.

U Dr Jitendra Singh u la kyntu ia ki samla ba kin pdiang ia ka ‘North East Industrial Promotion Policy’ jong ka sorkar pdeng ryngkat bad ki jingiarap tyngka jong ka sorkar. U MP, Vinay Sahasrabuddhe ruh u la ai jingkren ha kane ka jingialang.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet