Ka NPP kan jop palat ia ka 31 ngut ki MLA ha ka MLA Election ban wan: Prestone

Shillong, Nohprah 29:  U Bah Prestone Tynsong MLA jong ka seng Congress ha dien ba la hiar shuki kum u MLA , u la ong ba baroh phra ngut ki MLA kiba la hiar shuki mynta ka sngi kin leit ban pyniasoh bad ka party NPP ha ka jingialang paidbah kaban long ha ka 4 tarik kyllalyngkot 2018 ha Madan Polo.

Haba kren ha ki nongthoh khubor ha dien ba la dep ban hiar shuki, la kam ba ka NPP kan jop palat ia ka 31 ngut ki MLA ha kane ka MLA Election ban wan 2018 bad ki lah ban thaw ia ka sorkar ha ka Jylla.

Haba phai sha Khasi Hills u la ong ba ka NPP kan jop palat ia ka 18 tylli ki konstitwnesi bad kum juh na Garo Hills bad kane ka pynlong ia ka NPP ba kan lah ban thaw ia ka sorkar ha u snem 2018 la ong u bah Prestone.

Halor ka jingkynnoh ba ka NPP ka ia treilang bad ka party BJP, u Bah Prestone u la ong ba kane ka jingkynnoh baroh ka dei tang ka buit sain pyrthei, hynrei ka jingshisha ka long ba ka NPP ka dei la ka jong ka party ka don la ka jong ka Riti synshar jong ka bad ka BJP ka dei da kawei pat ka party. Kane ka jingkynnoh ka long ka bym don nongrim haei haei ruh.

Haba la kylli hato u don ka jingthrang ban long Myntri rangbah ha ka Jylla, u Bah Prestone u la ong ba ka shong ha ki MLA ban jied ia u nongialam mano ban long myntri rangbah, la ki MLA ki ibit ia u ban long u nongialam hapoh ka Legislature party u long u ba la kloi ban pdiang ia ka kam myntri rangbah.

Na ka liang jong u shimet u la ong bay m don kano kano ka jingthmu ban long myntri rangbah, ka thong ka jong u ka long ban pynjop ia ka party na ka bynta ban ioh thaw ia ka sorkar ha dien ka election ha ka iing dorbar thawain jong ka Jylla.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet