Shillong, Lber 07: U Myntri Rangbah ka jylla u Conrad K Sangma u la ong ba ka party NPP kam juh leh donbor haba shim ia kano kano ka rai, ki juh ia kren lang hapoh ka sorkar Meghalaya Democratic Alliance kum ka kynhun.
Haba ia dei bad u kyrtong MP sha Rajya Sabha u myntri rangbah u la ong ba kum ka MDA kila shim ia ka rai ban pyniakhun ia u Dr WR Kharshiing kam dei ka rai marwei jong ka NPP, ha ka sngi ba ia pynbna ruh ki don lang ki paralok jong ka MDA.
Ka party NPP kaba ialam ia ka sorkar ka pynshlur ba dei ban don ka jingiakren bad ia mir jingmut ha kaba ia dei bad kino kino ki kam hapoh jong ka MDA namar ka long kaba don kam ban ia mir jingmut lang da baroh kiba ia don lang ha ka sorkar.
Haba jubab ia ki jingkylli kiba ia dei bad ka jingkynnoh jong ka seng Congress na ka liang jong u myntri rangbah u la kynnoh kylla ba ka party Congress ka dei ka party kaba klumar jingmut namar ba kam lah ban sei tang ia u kyrtong MP sha Rajya Sabha na lade ka leit ban wad na shawei.
U lamphang jong ka MDA u ba dei ruh u mytnri rangbah ka jylla u la ong ba u Dr Kharlukhi u dei u kyrtong jong ka MDA ia kaba la ia kren bad ia mynjur lang ha ki jingialang shuwa ban pynbna ia ka kyrteng bad haduh mynta u dei u kyrtong jong ka MDA.
