Shillong, Nohprah 27: U president jong ka National People Party (NPP) jong ka Meghalaya State Unit u Dr WR Kharlikhi mynta ka sngi u la pynthikna ba ki hynniew ngut ki MLA kiban hiar shuki ha ka sngi Thohdieng kin pyniasoh bad ka seng ha ka 4 tarik Kyllalyngkot 2018 ha ka jingialang paidbah ka ban long ha Madan Polo.
La ong baroh ki MLA kiban pyniasoh sha ka NPP kin don phra ngut, u bah Prestone Tynsong, Sngiawbhalang Dhar, Ngaitnglang Dhar, Rowell Lyngdoh, Comingone Ymbon baroh kine ki dei na ka seng Congress, u Remingtone Pyngrope na ka UDP, u Stephanson Mukhin bad u Hopeful Bamon kine ki dei ki Independent MLA.
U Dr Kharlukhi u la ong ba ka NPP kan pynieng kyrtong ha ki 50 tylli ki konstitwnesi na ki 60 tylli ki konstitwnesi ha ka jylla ha kane ka MLA Election ka ban long ha u snem 2018. La ong ba ia baroh ki kyrtong ka seng kan sa pynbna ha ka taiew ba ar jong u bnai Kyllalyngkot.
Ha kane ka sngi ka NPP kala pdiang sngewbha ruh ia ar ngut ki nongialam jong ka seng Congress kiba na Ri Bhoi sha ka seng bad kito ki long u Bah Pyndaplang Wahlang bad u bah Alfred Malai ha ka jingiadon lang ki nongialam ka seng ha ophis jong ka NPP.
Ha ka juh ka por la pynbna ruh ba u Bah Erwin K Syiem Sutnga un ia khun na ka 17-North Shillong bad u Bah Sounder Strong Cajee un ia khun na ka 19-Shillong South Konstitwensi.
