Shillong, Kyllalyngkot 23: Ka ophis jong u Chief Electoral Officir ka jylla Meghalaya ryngkat ka Meghalaya Model United Nations kan pynlong ia ka ia ka “Festival of Democracy – Road to 2023” ban khring ia ki samla ba kin wan sha khmat ban thep vote.
Ia kane ka jingleh kmen kan long ar sngi lynter ha ka 24 bad 25 tarik mynta u bnai ia kaba yn pynlong ha U SosoTham Auditorium ka ban sdang naduh ka por 10 baje mynstep, ha kane ka tamasa kan don shibun ki jingialehkai, ki dukan bad ki jingtem na ki kynhun tem baphe bapher.
Kan don ruh ka jingiamir jingmut bad jingkren ha ka sngi kaba ar ha ka por 6 baje jan miet bad kane ka jingkren kan long halor ki hynnriew tylli ki phang, bad kata ka dei kaba hap bad kane ka elekshon ban long ha ka jylla mynta.
Kiba kwah ban wan sha kane ki hap ban pynia iak a dur thep vote lane ka ID jong ki skul kaba ki samla pule ki pule, ha katei ka sngi kan don ruh ka jingpynrung kyrteng ha ka dur thep vote ha katei ka jaka na ka bynta kiba kwah ban register, ban pynbeit ne pynkylla iaka dur thep vote jong ki.
